By Asbarez | Monday, 27 October 2014
ԵՐԵՒԱՆ, «Արմէնփրէս».– Հայաստանի պաշտպանութեան նախարար Սէյրան Օհանեան, Հայաստանի զինուած ուժերու ղեկավարման մարմինի պետ, զօր. Եուրի Խաչատուրով, Երկրապահ կամաւորականներու միութեան նախագահ Մանուէլ Գրիգորեան, շարք մը բարձրաստիճան զինուորականներ, պաշտօնեաներ, Վազգէն Սարգսեանի մարտական ընկերները, հասարակական կազմակերպութիւններու ներկայացուցիչներ եւ ազատամարտիկներ 27 Հոկտեմբերին այցելած են Եռաբլուր պանթէոն: Անոնք ծաղիկներ եւ ծաղկեպսակներ զետեղած են սպարապետ Վազգէն Սարգսեանի, զօրավար Անդրանիկ Օզանեանի շիրիմներուն վրայ, Անյայտ կորսուածներուն յիշատակը յաւերժացնող եւ «Բերդապար» յուշակոթողներուն առջեւ:
Կանուխ առաւօտէն Եռաբլուր զինուորական պանէթոնը խճողուած էր: Բազմաթիւ քաղաքացիներ եկած էին իրենց յարգանքի տուրքը մատուցելու աննախադէպ ոճրագործութեան զոհ դարձած ականաւոր ռազմական ու քաղաքական գործիչ սպարապետ Վազգէն Սարգսեանի յիշատակին, ինչպէս նաեւ անգամ մը եւս ոգեկոչելու յիշատակը այն հայորդիներուն, որոնք իրենց կեանքը զոհաբերեցին յանուն Հայաստանի եւ Արցախի անկախութեան ու ազատութեան:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
