By Asbarez | Monday, 08 December 2014
ԳԻՒՄՐԻ.- Կիրակի, 7 Դեկտեմբերին, Գիւմրիի մէջ յարգուեցաւ 1988 թուականի աւերիչ երկրաշարժի անմեղ զոհերուն յիշատակը: Առաւօտեան հոգեհանգստեան պատարագ մատուցուեցաւ Շիրակի թեմի բոլոր եկեղեցիներուն մէջ: Օրուան ընթացքին մարդաշատ էին ինչպէս Գիւմրիի մէջ գործող եկեղեցիները, նոյնպէս ալ գերեզմանատուները: Մարդիկ երկրաշարժէն 26 տարի ետք դարձեալ կ՛այցելեն աղէտին զոհ գացած իրենց հարազատներուն շիրիմները՝ սգալու անոնց կորուստը:
Շիրակի թեմի առաջնորդ Միքայէլ եպս. Աջապահեանի ձեռամբ կատարուեցաւ հոգեհանգստեան արարողութիւն:
Սպիտակի երկրաշարժի 26ամեակին առիթով քաղաք այցելած հիւրերը՝ քաղաքական, դիւանագիտական կառոյցներու ներկայացուցիչները, Ազգային ժողովի պատգամաւորները, մարզային եւ քաղաքային իշխանութիւններու ներկայացուցիչները անմեղ զոհերուն յիշատակը յաւերժացնող յուշարձանին մօտ ծաղիկներ զետեղեցին եւ ժամը 11:41ին մէկ վայրկեան լռութեամբ յարգեցին անոնց յիշատակը:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին