By Asbarez | Thursday, 15 January 2015
ԵՐԵՒԱՆ, <<Հայերն Այսօր>>.– Հայաստանի սփիւռքի նախարար Հրանոյշ Յակոբեան 14 Յունուարին ընդունեց սուրիահայութեան ներկայացուցիչներ Կարօ Եուզպաշեանը, Գրիգոր Տունկեանը եւ բժիշկ Ներսէս Սարգիսեանը:
Քննարկուեցան Սուրիոյ մէջ տիրող իրավիճակը, երեք տարուան ընթացքին տեղի ունեցած զարգացումները եւ այդ բոլորին լոյսին տակ Սուրիոյ հայ համայնքի կորուստները, համայնքի խնդիրներն ու անոնց լուծման առնչուող ծրագիրները, կատարուած նախաձեռնութիւնները:
Նախարար Հրանոյշ Յակոբեան բարձր գնահատեց հոգեւոր ու աշխարհական այն նուիրեալ առաջնորդներուն, մասնաւորապէս հանդիպման ներկայ հիւրերուն ջանքերը, անոնց կատարած հերոսական աշխատանքը, որուն շնորհիւ ծանր, ողբերգական իրավիճակի մէջ գտնուող հայ համայնքը կը մնայ ինքնակազմակերպուած, համախմբուած եւ կը շարունակէ պատերազմական լարուած իրավիճակին մէջ գոյատեւել, պահպանել համայնքային ենթակառուցուածքները: Նախարարը կարեւոր նկատեց կրթօճախներու կենսագործումը՝ շնորհիւ կրթական գործի կազմակերպիչներու եւ ուսուցիչներու մեծ ու անձնուրաց գործունէութեան:
Սփիւռքի նախարարը ներկայացուց Հայաստանի մէջ հաստատուած սուրիահայերու ընկերային, առողջապահական, կրթական եւ այլ խնդիրներ լուծելու ուղղութեամբ պետութեան կողմէ կատարուած աշխատանքները:
Նախարար Հրանոյշ Յակոբեան նշեց, որ նախարարութիւնը մեծ հոգատարութեամբ եւ հետեւողականօրէն կը փորձէ օգնել նախարարութեան դիմած ամէն մէկ սուրիահայու։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ