By Asbarez | Sunday, 15 February 2015
ԵՐԵՒԱՆ, <<Արմէնփրէս>>.– Ազգային ժողովի նախագահ Գալուստ Սահակեան յանձնարարած է ուսումնասիրել Բարգաւաճ Հայաստան կուսակցութեան առաջնորդ Գագիկ Ծառուկեանի բացակայութիւնները եւ անոնց պատճառները: <<Արմէնփրէս>>ին հետ ունեցած զրոյցին ընթացքին այս մասին յայտնած է Ազգային ժողովի ՀՀԿ խմբակցութեան ղեկավար Վահրամ Բաղդասարեանը:
<<Եթէ այդ բացակայութիւնների հիմքերը հիմնաւոր չլինեն, դրանց հիման վրայ Ազգային ժողովի նախագահը որոշում կը կայացնի, որից յետոյ խմբակցութիւնը կը քննարկի եւ կը յայտնի իր դիրքորոշումը>>, նշած է Բաղդասարեան:Պատասխանելով այն հարցումին, թէ կրնա՞յ ըլլալ, որ արդէն յաջորդ քառօրեային քննարկուի ԲՀԿի առաջնորդ Գագիկ Ծառուկեանը պատգամաւորական աթոռէն զրկելու հարցը՝ Վահրամ Բաղդասարեան նշած է, որ ատիկա իր որոշելիքը չէ: Ան խորհուրդ տուած է այդ հարցով դիմել Ազգային ժողովի նախագահին:
Նշենք, որ ՀՀԿ խորհուրդի նիստին ընթացքին Հայաստանի նախագահ Սերժ Սարգսեան իր խօսքին մէջ անդրադարձած էր ԲՀԿի առաջնորդ Գագիկ Ծառուկեանի՝ Ազգային ժողովի նիստերէն բացակայութեան: Ան ընդգծած է, որ 2013-2014ի 145 նիստերէն, Գագիկ Ծառուկեան մասնակցած է միայն 4ին: <<Եթէ նա այդ աստիճանի արհամարհում է իր ընտրողներին եւ Ազգային ժողովի դերը, մենք դրա իրաւունքը չունենք. մենք պատասխանատու ենք Հայաստանի իւրաքանչիւր քաղաքացու իրաւունքների համար: Մեր պատգամաւորները վաղուանից կը նախաձեռնեն նման անհեթեթ վիճակին վերջ տալու համար անհրաժեշտ քայլերի>>, յայտնած է նախագահ Սարգսեանը:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
