By Asbarez | Friday, 21 October 2011
ԵՐԵՒԱՆ, «Արմէնփրէս».- Հայաստանի նախագահ Սերժ Սարգսեան Հոկտեմբեր 21ին ընդունած է տարածաշրջանային այցով Երեւան ժամանած ԵԱՀԿ Մինսկի խումբի համանախագահներ Պեռնար Ֆասիէ (Ֆրանսա), Ռապըրթ Պրատթքի (ԱՄՆ), Իկոր Փոփով (Ռուսիա) եւ ԵԱՀԿ գործող նախագահի անձնական ներկայացուցիչ Անճէյ Քասփըրչիք:
Հանդիպման մասնակիցները քննարկած են Լեռնային Ղարաբաղի հակամարտութեան բանակցային գործընթացի ներկայ փուլին վերաբերող հարցեր: Սերժ Սարգսեան եւ Մինսկի խումբի համանախագահները խօսած են նաեւ հակամարտութեան կողմերուն միջեւ վստահութեան միջոցներու ամրապնդման անհրաժեշտութեան մասին:
Նոյն օրը, ԵԱՀԿ Մինսկի խումբի համանախագահները ընդունած է նաեւ ՀՀ արտաքին գործոց նախարար Էդուարդ Նալբանդեան։
Հանդիպման ընթացքին շարունակուած են քննարկումները ղարաբաղեան հակամարտութեան խաղաղ կարգաւորման գործընթացին վերաբերեալ:
Միջնորդներու հետ զրոյցի ընթացքին Հայաստանի արտաքին քաղաքական գերատեսչութեան ղեկավարը, անդրադառնալով առանց հիմնարար սկզբունքներու շուրջ համաձայնելու անմիջապէս խաղաղ պայմանագիրի մշակման անցնելու մասին Պաքուէն հնչող յայտարարութիւններուն՝ ըսած է, որ նման դիրքորոշում կը հակասէ բանակցային գործընթացի տրամաբանութեան եւ, բնականաբար, նաեւ համանախագահներու մօտեցումներուն, որոնց մասին բազմիցս յայտարարուած է հրապարակաւ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ