By Asbarez | Monday, 31 October 2011
ՊԱՔՈՒ.- Ատրպէյճանի խորհրդարանի անդամ Սահիպ Ալիեւ, ատրպեճանական «ՍալամՆիուզ» լրատուական կայքին հետ հարցազրոյցի մը ընթացքին յայտարարեց, որ Ատրպէյճան Արցախի դէմ պատերազմ սկսելու համար միջազգային յարմար պայմաններու ձեւաւորման կը սպասէ։
Ընդգծելով, որ Ատրպէյճան կրնայ «առանց Թուրքիոյ բանակի աջակցութեան, ջախջախել հայկական բանակը»՝ երեսփոխանը նշած է, որ Ատրպէյճանի եւ Թուրքիոյ միջեւ գոյութիւն ունի բոլոր բնագաւառները ընդգրկող երկարատեւ ռազմական համագործակցութիւն։
«Առայժմ Ատրպէյճան կը փորձէ հակամարտութիւնը կարգաւորել խաղաղ ճանապարհով. ամէն պարագայի, եթէ թշնամիին կորուստները 5-6 անգամ աւելի ըլլան, միեւնոյնն է, պատերազմ՝ կը նշանակէ կորուստներ։ Հիմա, եթէ պատերազմ սկսի, այնքան կարեւոր չէ՝ Թուրքիա Ատրպէյճանի պիտի աջակցի՞, թէ ոչ։ Ատիկա կարեւոր էր 2000ական թուականներուն։ Իսկ հիմա Ատրպէյճան ընդունակ է հայերը բռնագրաւուած տարածքներէն դուրս շպրտելու», ըսած է Սահիպ Ալիեւ:
«ՄԱԿի համապատասխան յօդուածին մէջ կը նշուի, որ բռնագրաւումի ենթարկուած երկիրը կրնայ իր հողերը որեւէ միջոցով ազատագրել։ Այսինքն, իր հողերու ազատագրման համար Ատրպէյճանի կողմէ պատերազմ սկսիլը, ըստ միջազգային իրաւունքի, ճիշդ է եւ արդարացի», եզրակացուցած է ան։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ