By Asbarez | Tuesday, 01 September 2015
ԵՐԵՒԱՆ, <<Փանորամա>> - Համօ Բեկնազարեանի անուան <<Հայֆիլմ կինոստուդիա>> փակ բաժնետիրական ընկերութեան 100 տոկոս բաժնետոմսերը՝ 2 միլիառ 702 միլիոն 469 հազար դրամ գնահատուած արժէքով, պիտի վերադարձուի Հայաստանի կառավարութեան։ 31 Օգոստոսին կառավարութիւնը նման որոշում տուած է։
Վարչապետ Յովիկ Աբրահամեան յորդորած է ուշադիր ըլլալ, որպէսզի ընդունման ու յանձնման գործընթացները թափանցիկ ըլլան:
Նախագիծի հիմնաւորման համաձայն՝ ընթացիկ տարուան 31 Մարտին Հայասիանի վարչապետին դիմած է <<Հայֆիլմ կինոստուդիա>>ի գործադիր տնօրէն Խ. Ցոկոլակեան՝ յայտնելով, որ, համաձայն Հայաստանի եւ <<Արմէնիա Ստուդիոս>> ընկերութեան միջեւ 14 Սեպտեմբեր 2005ին ստորագրուած համաձայնագիրին՝ ընկերութեան կողմէ կատարուած են պայմանագիրով պահանջուող ներդրումները:
Մասնաւորապէս մեծ ներդրումներ կատարուած են ֆիլմադարանի թուայնացման աշխատանքներուն մէջ, եւ՝ լիազօրուած ըլլալով ընկերութեան բաժնետէրերուն կողմէ, Ցոկոլակեան առաջարկած է <<Հայֆիլմ>>ի բաժնետոմսերը վերադարձնել պետութեան՝ խնդրելով Հայաստանի կառավարութեան լուծել 14 Սեպտեմբերի պայմանագիրը՝ <<Համօ Բեկնազարեանի անուան <<Հայֆիլմ կինոստուդիա>> ՊՈԱԿին ամրացուած գոյքն օտարելու մասին>>, փոխհատուցել <<Հայֆիլմ>>ի բաժնետէրերուն՝ ընկերութեան կողմէ կատարուած սկզբնական ներդրումներուն չափով, ինչպէս նախատեսուած է պայմանագիրով։
Հայաստանի մշակոյթի նախարարութեան կողմէ նաեւ պիտի կատարուի <<Հայֆիլմ>>ին յանձնուած թատերական բեմայարդարումներու եւ թեքնիք միջոցներու ուսումնասիրութիւն, որմէ ետք տրուած են եզրակացութիւններ, ըստ որոնց, <<թատերական դեկորացիաները (կանանց եւ տղամարդկանց զգեստապահարանը (զգեստները) մաշուած, քրքրուած են եւ օգտագործման համար պիտանի չեն, կահոյքը հիմնականում կոտրուած, մասնատուած է, բեմական, բեմադրական պահեստից՝ 142 անուն (1092 հատ) կինոբեմադրական միջոցներից (ռեկվիզիտներից) առկայ չեն 35 անուն (165 հատ) կինոբեմադրական միջոցներ>>:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ