By Asbarez | Friday, 04 September 2015
ԵՐԵՒԱՆ, <<Նիուզ>> - Զօրավար-գնդապետ Գուրգէն Դալիբալթայեան 3 Սեպտեմբերին հողին յանձնուած է <<Եռաբլուր>> զինուորական պանթէոնին մէջ՝ ներկայութեամբ պաշտպանութեան նախարար Սէյրան Օհանեանի, բանակի բարձրաստիճան սպաներու, հարազատներու եւ քաղաքացիներու։
<<Գուրգէն Դալիբալթայեանի ամբողջ կեանքը նուիրած է եղել հայ ժողովրդին, հայկական բանակի կազմաւորմանը: Այսօր նա գնում է այնտեղ, որտեղից ծնուել է, պէտք է շաղախուի հայկական հողի հետ, որից ծնունդ է առել: Նա այն բացառիկ անձնաւորութիւններից էր, որ դեռ իր կենդանութեան օրօք ապացուցեց իր ինքնութիւնը, նուիրուածութիւնը հայրենիքին: Նա բացառիկ պետական եւ ռազմական գործիչ էր, լուրջ ճանապարհ էր անցել Խորհրդային Միութիւնում, ստացել բարձր կոչումներ եւ այդ ամէնը շարունակել հայկական բանակում>>, ըսած է նախարար Օհանեան։
Գուրգէն Դալիբալթայեանին յուղարկաւորութիւնը տեղի ունեցած է զինուորական կարգով՝ Անդրանիկ Օզանեանի կողքին:
Գուրգէն Յարութիւնի Դալիբալթայեան ծնած է 5 Յունիս 1926ին, Վրաստան՝ Բոկտանովկայի (այժմ՝ Նինոծմինտա) շրջանի Մեծ Արագեալ գիւղը: 1947-1991 թուականներուն ծառայած է Խորհրդային Միութեան զինուած ուժերուն մէջ:
1993-2006 թուականներուն ան եղած է նախագահի գլխաւոր խորհրդական, իսկ 2000-2006 թուականներուն զինուորական գլխաւոր տեսուչ:
20 Յուլիսի 2001ին Գուրգէն Դալիբալթայեանին շնորհուած է Երեւանի պատուաւոր քաղաքացիի կոչում:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ