By Asbarez | Tuesday, 06 October 2015
ԵՐԵՒԱՆ, <<Երկիր>> - Հոկտեմբեր 5ին գումարուած Ազգային ժողովի նիստին, Մասնագիտական յանձնաժողովի անդամ Վարդան Պօղոսեան իր ելոյթին մէջ նշած է, որ սահմանադրական փոփոխութիւններու լրամշակուած նախագիծը զգալի փոփոխութիւններու ենթարկուած է պատգամաւորներու զանազան առաջարկներուն հիման վրայ, ապա ան մանրամասնօրէն ներկայացուցած է այդ հիմնական փոփոխութիւնները:
Վարդան Պօղոսեան մատնանշած է ՀՅԴի ներկայացուցած այն առաջարկները, որոնք ընդունուած են, մասնաւորապէս՝ 89րդ յօդուածին մասին առաջարկը, որ կը վերաբերի ԱԺ ընտրութիւնները համամասնական եղանակով կատարելուն:
ՀՅԴի առաջարկով՝ այս յօդուածին փոփոխութիւնը անպայման պէտք է կատարուի հանրաքուէով, այսինքն՝ <<համամասնական ընտրակարգը փոփոխութեան չի կարող ենթարկուել միայն խորհրդարանի կողմից, եւ դրա համար անհրաժեշտ կը լինի հանրաքուէ>>, բացատրած է Վ. Պօղոսեան:
ՀՅԴ միւս առաջարկը կը վերաբերի կայուն մեծամասնութեան ձեւաւորման երկրորդ փուլին, որուն պարագային միայն կը թոյլատրուի դաշինքներ կազմել: <<Դա շատ կարեւոր դրոյթ է. այն պարտադրում է ընտրական օրէնսգրքին՝ երկրորդ փուլի անցկացումից առաջ հնարաւորութիւն տալ առանձին կուսակցութիւններին նոր դաշինքներ կազմել>>, ըսած է Վարդան Պօղոսեան:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ