By Asbarez | Saturday, 31 October 2015
ԵՐԵՒԱՆ, <<Արմէնփրէս>> - Ազատութեան հրապարակին վրայ 30 Հոկտեմբերին տեղի ունեցած է սահմանադրական բարեփոխումներուն դէմ <<Ո>>չի ճակատի հրաւիրած հանրահաւաքը, որուն մասնակցած են ընդամէնը քանի մը տասնեակ քաղաքացիներ։ Հանրահաւաքը կայացած է յայտարարուած ժամէն բաւական ուշ։
Տեղի չէ ունեցած նաեւ այն երթը, որուն մասին նախապէս յայտարարած էին կազմակերպիչները, եւ այդ մասին իրազեկ դարձուցած Երեւանի քաղաքապետարանը: Խօսք առած են Ազգային ժողովի ՀԱԿ խմբակցութեան քարտուղար Արամ Մանուկեան, Ժառանգութիւն կուսակցութեան վարչութեան փոխնախագահ Արմէն Մարտիրոսեան, ՀԺԿ վարչութեան քարտուղար Ստեփան Մինասեան, Գիւմրիի <<Ասպարէզ>> ակումբի նախագահ, Գիւմրիի աւագանիի անդամ Լեւոն Բարսեղեան, <<Չէք անցկացնի>> քաղաքացիական նախաձեռնութեան անդամներ, որոնք ներկայացուցած են իրենց յառաջիկայ ընելիքները։
<<Չէք անցկացնի>> նախաձեռնութեան անդամները հանրահաւաքի աւարտին յայտնած են, որ <<Ո>>չի շարժման յաջորդ հանրահաւաքը տեղի պիտի ունենայ երեք շաբաթ ետք:
Դեկտեմբեր 6ին Հայաստանի մէջ տեղի պիտի ունենայ սահմանադրական բարեփոխումներու հանրաքուէն: Ազգային ժողովի երկու մեծ ուժեր՝ <<Հանրապետական>> եւ ԲՀԿ խմբակցութիւնները կ՛աջակցին փոփոխութիւններուն, անոնց միացած է նաեւ <<Դաշնակցութիւն>> խմբակցութիւնը: Փոփոխութիւններուն դէմ հանդէս կու գան <<Ժառանգութիւն>>, ՀԱԿ եւ ՕԵԿ խմբակցութիւնները:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ