By Asbarez | Friday, 22 January 2016
ԵՐԵՒԱՆ - Լեռնային Ղարաբաղի Հանրապետութեան քաղաքաշինութեան նախարարութիւնը հաղորդած է, որ Քաշաթաղի շրջանի Աղաւնոյ գետի ափին կառուցուող 50 առանձնատուներէն 26ը արդէն պատրաստ են օգտագործման:
Թաղամասին մէջ ներկայիս վերջին աշխատանքները կը կատարուին, կը բարեկարգուի բնակարաններու մերձակայ տարածքը, արդէն տեղադրուած են եզրաքարերը, խճապատուած են ճամբաները։ Առիաւանի միւս 24 բնակարաններուն մէջ կը շարունակուին շինարարութեան աշխոյժ աշխատանքները, որոնք այս տարի պիտի աւարտին: Արդէն ամբողջացած է արտաքին ջրամատակարարման եւ կոյուղիի ցանցերու կառուցումը:
Առիաւանցիները մնայուն ջուր պիտի ունենան: Յիշեցնենք, որ բնակարաններու շինարարութիւնը սկսած է 2013 թուականին՝ Լեռնային Ղարաբաղի կառավարութեան վերաբնակեցման գօտիի զարգացման ծրագիրներու ծիրին մէջ: Ֆինանսաւորումը կը կատարուի լիբանանահայ գործարարներուն կողմէ հիմնադրուած ԱՌԻ ընկերութեան, Լեռնային Ղարաբաղի կառավարութեան եւ Արցախի ներդրումային հիմնադրամին համաֆինանսաւորմամբ: Ծրագիրը եռափուլ է, իւրաքանչիւր հանգրուանի կը նախատեսուի կառուցել 50 բնակելի առանձնատուն:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ