By Asbarez | Tuesday, 07 June 2016
ԵՐԵՒԱՆ, <<Արմէնփրէս>> - Հայաստանի պաշտպանութեան նախարար Սէյրան Օհանեան 4 Յունիսի ուշ երեկոյեան երկու հայկական հանրապետութիւններուն միջեւ գոյութիւն ունեցող ռազմական համագործակցութեան ծիրին մէջ այցելած է Լեռնային Ղարաբաղի Հանրապետութիւն:
Պաշտպանութեան նախարարութեան մամլոյ քարտուղար Արծրուն Յովհաննիսեան տեղեկացուցած է, որ Սէյրան Օհանեան պաշտպանութեան բանակի հրամանատար զօր. Լեւոն Մնացականեանի եւ բանակի բարձրաստիճան հրամանատարութեան հետ այցելած է սահմանագիծի հիւսիս–արեւելեան ուղղութիւն:
Մատաղիս–Թալիշ հատուածին մէջ Սէյրան Օհանեան եւ Լեւոն Մնացականեան այցելած են սահմանագիծի տարբեր դիրքեր, զօրքերուն հետ տեղւոյն վրայ հետեւած են մարտական ծառայութեան կատարման, քննարկած զօրքերու պատրաստութեան առնչուող խնդիրներ, հետեւած կատարուող ճարտարագիտական աշխատանքներուն, զօրքերու կենցաղային պայմաններուն եւ սնունդին:
Նոյն օրը նախարար Օհանեան նոյն հատուածին մէջ գիշերը անցուցած է զօրքերուն հետ: 5 Յունիսին նախարար Սէյրան Օհանեան շարունակած է իր աշխատանքային այցելութիւնը եւ Լեռնային Ղարաբաղի սահմանագիծի տարբեր հատուածներուն մէջ պաշտպանութեան բանակի հրամանատարութեան հետ այցելած է տարբեր դիրքեր, լսած հրամանատարներուն զեկոյցները եւ նախանշած մարտական ծառայութեան կատարման եւ համագործակցութեան առնչուող այլ հարցեր:
Այցելութեան ծիրին մէջ Հայաստանի պաշտպանութեան նախարար Սէյրան Օհանեան նշեալ խնդիրները քննարկած է նաեւ Լեռնային Ղարաբաղի ղեկավարութեան հետ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ