Կրթութեան և գիտութեան նախարար Լևոն Մկրտչեանն այսօր Գյումրիում, պատասխանելով լրագրողների այն հարցին, թե ստեղծուած իրավիճակում հրաժարական կտա՞ կառավարութիւնը, նախարարն ունի՞ նման տեղեկութիւն, ասաց.

<<Որևէ նման տեղեկութիւն ես չունեմ բնականաբար, ինքս որոշակի ոլորտի պատասխանատու եմ, քաղաքական կեանքից եկած և շարունակելու ենք աշխատենք մեր բնագաւառում և ոլորտում, այսինքն որևէ այլ տեղեկութիւն չկայ>>:

Ճշտող հարցին՝ այսինքն այս պահին դրուած չէ՞ այդ հարցը. մամուլում անընդմեջ շրջանառվում է. <<Մամուլը մի նախադասութիւն է գրում՝ ասում են ու յետոյ ինչ ուզում ես, կարող են գրել>>: Նախարարն, անդրադառնալով <<Սասնայ ծռեր>> զինուած յարձակմանն, ասաց.

<<Երբեմն հնարաւոր է նոյնիսկ լաւ նպատակադրումով կատարել քայլեր, որի հետևանքները կարող են կործանարար լինել: Այսինքն այս իմաստով ես չեմ կարծում, որ այսպէս միանգամից կտրուկ ուժային ձևաչափով լուծումներ տալը ճիշտ է, և այն, ինչ ընթանում է, մի քիչ երկարաձգուած գործընթաց է, բայց երևի միակ տարբերակն է ՝ բանակցութիւններով խնդիրը կարգաւորելը: Բայց նաև մենք պիտի հասկանանք, որ եթէ պետութիւնը սուվերեն պետութիւն է, անկախ պետութիւն է, շատ կարևոր է այստեղ նախադէպային թոյլատրութիւնն չլինելը, որովհետեւ գիտէք ի վերջոյ նախադէպը կարող է քայքայել պետութիւնները, որոնք դեռ երկար կեանքի փորձ չունեն: Մենք ընդամէնը 20-25 տարուայ պետական շինարարութեան փորձ ունենք և նախադէպի գոյութիւնը կարող է առաջացնել մի այսպէս ասած պատկերացում, որ ցանկացած խումբ կարող է իր համար ճիշտ նպատակի համար կատարել քայլեր, որից յետոյ մենք պարզապէս պետութիւն և պետականութիւն չենք ունենայ: Այսինքն նուրբ պահն այստեղ է, ես յոյս ունեմ, որ կը կարգաւորի, որովհետև, ի վերջոյ, պատասխանատուութիւն կայ մեր ժողովրդի բոլոր շերտերի մէջ: Նոյնիսկ այն շերտերը, որոնք քաղաքական փորձառութիւն կամ քաղաքական գիտելիքներ չունեն, բնազդով ունեն այդ պատասխանատուութիւնը: Մենք կարողացել ենք խուսափել այսքան ժամանակ մեր որոշ հարևանների տխուր փորձից այդ բնազդի շնորհիւ: Վստահ եմ, որ այս խնդիրն էլ կ'կարգաւորի այդ նոյն ձևաչափով. արդեն պատանդների արձակումը և բանակցային գործընթացն այդպիսի յոյս տալիս է>>:

Հարցին, թէ զինեալ խմբի անդամներին որակաւորումներ տրուեցին, ահաբեկիչներ անուանեցին, դուք ի՞նչ կարծիքի էք.

<<Գիտէք Գերագոյն մարմնի յայտարարութեան մէջ յստակ այդ պատասխանները կան, անթոյլատրելի է ի հարկէ գործող գնդի վրայ յարձակումը և՛ ձևաչափը, և՛ ձևը, որով կատարուել է: Ի վերջոյ ունենք սպայ, որը զոհուել է, և բացի զոհից, կրկնում եմ, շատ վտանգաւոր է նախադէպը պետականութեան, երկրի անկախութեան իմաստով: Սա է հիմնականում… >>:

Հարցին՝ որպէս բանակցային ելք նշվում է նաև ԱԺ-ի արտահերթ ընտրութիւնները, նախարարն ասաց. <<Գործընթացը եթէ տեղափոխուի քաղաքական դաշտ, քաղաքական գործառոյթներ սկսեն իրականացուել, այդտեղ արդեն տարբերակները շատ են, նաև առաջիկայում լինելու են ընտրութիւններ: Մենք սահմանադրական փոփոխութիւններ ենք իրականացրել և այդ սահմանադրական փոփոխութիւններն, ըստ էութեան, ամբողջ քաղաքական կառուցուածքը երկրի փոխուելու է, և արդեն գարնանը ընտրութիւններ են լինելու: Այս իմաստով առաջիկայում այնպէս չէ, որ մի քանի տարի որևէ քաղաքական միջոցառում չի նախատեսուած, մեծագոյն փոփոխութիւնն ընդամէնը 2017 թուականի սկզբին է և նաև շատ սահուն անցնելն այս փոփոխութիւններին՝ առանց արիւնահեղութեան, առանց զինուած ընդդիմութեան, ընդդիմադրութեան, շատ կարևոր է երկրի համար: Մեր երկիրը, ցաւօք սրտի, այնպիսի շրջապատում է, որտեղ արտաքին ազդեցութիւնը շատ մեծ է և ցանկացած մեր վրիպումից անպայման կ'օգտուի մեր թշնամին: Սա մենք պէտք է հասկանանք, սա շատ կարևոր է, սա պահանջում է պատասխանատուութիւն բոլոր կողմերից>>:

Նախարարը, պատասխանելով այն հարցին, թէ պատրաստ կլինի՞ իր պորտֆելը վայր դնել, եթե ստեղծուած իրավիճակը հանգուցալուծուի կառավարութեան հրաժարականով, ասաց. <<Ես միշտ իմ պորտֆելը վայր եմ դրել, երբ քաղաքական որևէ խնդիր առաջացել է: Գիտէք արդեն այդ պատճառով էլ 3-4 անգամ… Այստեղ խնդիրն անհատների մէջ չէ, պարզապէս գիտէք, չի կարող զինուած յարձակում լինել որևէ պետութեան մէջ, և այդ զինուած յարձակման հետևանքով տեղի ունենան քաղաքական փոփոխութիւններ: Սա կարող է բերել նախադէպ, որ վաղը ևս ուրիշ խումբ նոյն տիպի խնդիրներ դնի արդեն նոր ձևաւորած իշխանութեան առջև: Դրա համար մենք շատ լուրջ պէտք է հասկանանք, որ առնչւում ենք նաև պետական անվտանգութեան, պետութեան ինքնիշխանութեան, պետութեան գոյատևման հետ: Ես նաև կը խնդրէի, որ մամուլը ևս այս հարցերին ուշադրութիւն դարձնի, որովհետև էմոցիոնալ, յուզական լուծումները, փողոցում թելադրուող տրամադրութիւններից եկող լուծումները կարող են այդ պահին լուծում թուալ, բայց հետագայում այս երկրի տակ կարող են դնել այնպիսի ական, որի հետևանքով մենք կարող ենք շատ բան կորցնել: Ի վերջոյ մենք մեր պատմութիւնից, ես պատմաբան եմ, պիտի կարողանանք դասեր քաղել: Մենք շատ յաճախ պետականութիւնները կորցրել ենք նաև ընթացիկ լուծումներ որոնելով, որոնք թւում էին այդ պահի համար ճիշտ, բայց կարճ ժամանակ յետոյ կորցրել ենք: Մեր Արշակունեաց պետութիւնն այդպէս ենք կորցրել, Բագրատունիներինը՝ մի ձևով, այսինքն՝ ժողովուրդները պէտք է մի քիչ էլ իրենց անցեալից սովորեն>>: