By Asbarez | Saturday, 06 August 2016
ԵՐԵՒԱՆ, <<Ազատութիւն>> - Ոստիկանութեան պարեկապահակային ծառայութեան գունդի տարածքը 15 օր գրաւած <<Սասնայ ծռեր>> զինուած խումբի գործով, ըստ Յատուկ քննչական ծառայութեան, մեղադրեալ նկատուած է 44 անձ, որոնցմէ 42ը կալանաւորուած է:
Նշուած է նաեւ, որ երկու հոգի ալ կասկածելի են, սակայն անոնց անունները չեն յայտարարուած։
Անոնք կը մեղադրուին պատանդ վերցնելու, շէնք-շինութիւններ զաւթելու եւ ապօրինի զէնք, զինամթերք պահելու, փոխադրելու կամ կրելու յանցանքով: Այս գործով տուժող նկատուած է 19 անձ, որոնցմէ 10ը որպէս պատանդ վերցուելու հանգամանքով:
<<Սասնայ ծռեր>>ու գործով, ըստ Յատուկ քննչական ծառայութեան, հիւանդանոց կը գտնուի 3 հոգի: <<Էրեբունի>> բժշկական կեդրոնի Վերակենդանացման բաժանմունքի գիտական ղեկավար Յարութիւն Մանգոյեան յայտնած է, որ զինուած խումբի անդամներ Արմէն Լամբարեանի եւ Սեդրակ Նազարեանի առողջական վիճակը կը շարունակէ ծանր մնալ:
Մանգոյեան նշած է, որ հրազէնային վէրք ստացած Արմէն Լամբարեանի վրայ խոշտանգման հետքեր չեն յայտնաբերուած. <<Էս պահին մի փոքր դժուար է կանխատեսում անել: Ամէն դէպքում, մենք ունենք դրական էդ միտումը: Ինձ թւում է, կարճ ժամանակահատուած յետոյ, եթէ ոչ մի նոր բարդութիւն չառաջանայ կապուած վէրքերի ու ինֆեկցիայի հետ, կարող է ենթակայ լինի բուժումը շարունակել ոչ վերակենդանացման բաժանմունքում>>, դիտել տուած է ան։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ