ԵՐԵՒԱՆ, <<Նիուզ>> - Մարտակերտի շրջանի Ալաշան գիւղին մէջ 25 Յուլիսին սկսած է թալիշցիներու բնակեցման գործընթացը: Այս մասին <<Նիուզ>>ին յայտնած է Թալիշի գիւղապետ Վիլեն Պետրոսեան:

Ան նշած է, որ արդէն 20 ընտանիք-ներ, որոնք ժամանակաւորապէս բնակութիւն  հաստատած էին Ստեփանակերտի եւ Հայաստանի տարբեր շրջաններու մէջ,  տեղափոխուած են Ալաշան:

Գիւղապետը յայտնած է, որ առողջարանային գիւղին մէջ գտնուող շուրջ 27 տուներու վերանորոգման աշխատանքները արդէն աւարտած են, եւ մինչեւ 1 Սեպտեմբեր 7 ընտանիք եւս պիտի տեղափոխուի Ալաշան:

<<Նախագահ Սահակեանն եկել էր, բնակութեան վայրի հետ կապուած խնդիրներ քննարկուեցին, Ալաշանում գտնուող թալիշցիները տեղեկացրին, որ ուզում են մշտապէս այստեղ մնալ, չեն ուզում տեղափոխուել Քոլատակ, որպէսզի համախմբուած մի վայրում լինենք>>, ըսած է գիւղապետը:

Ան նշած է, որ երեխաներու դպրոցի խնդիրը եւս պիտի լուծուի. հաւանական է, որ 1 Սեպտեմբերին Ալաշանի մէջ նախկին հիւանդանոցի շէնքին մէջ դպրոց բացուի:

<<Դասերը կարող են անցկացուել նախկին հոսփիթալի շէնքում, այսօրուայ դրութեամբ 14 դպրոցահասակ երեխաներ կան այստեղ: Տեսնենք ոնց կ՛ընթանայ գործընթացը>>, յայտնած է ան:

Անդրադառնալով Թալիշի մէջ տիրող իրավիճակին՝ գիւղապետը նշած է, որ կացութիւնը նոյնն է, հոն գիւղացիներու բնակեցման համար իրավիճակը կը շարունակէ մնալ վտանգաւոր: Անոր համաձայն՝ Կարմիր խաչի միջնորդութեամբ վերջերս կրցած են հնձել գիւղացիներուն պատկանող խոտին մէկ մասը. <<Մի 70 հեկտար մնաց, որ չկարողացանք հնձել՝ կէսը վառուել էր, մի մասն էլ վտանգաւոր գօտում էր>>, նշած է ան: