By Asbarez | Tuesday, 22 November 2011
ՏԱՒՈՒՇ.- Հայաստանի փոխվարչապետ, տարածքային կառավարման նախարար Արմէն Գէորգեան, Նոյեմբեր 22ին աշխատանքային այցով մեկնեցաւ Տաւուշի մարզ, եւ մարզպետ Ա. Ղուլարեանի, ուժանիւթի եւ բնական պաշարներու փոխնախարար Լ. Շահվերդեանի եւ այլ պատասխանատուներու ուղեկցութեամբ, ան նախ այցելեց Դիլիջանի միջազգային դպրոցի շինարարական հրապարակ ու ծանօթացաւ կատարուող աշխատանքներու ընթացքին:
Դպրոցի շինարարութեան ծրագիրի առաջին փուլը, որուն ծաւալը կը կազմէ 80-85 միլիոն տոլար, արդէն իսկ մեկնարկած է այս ամրան, եւ աշխատանքները կ՛ընթանան ժամանակացոյցին համապատասխան:
Դիլիջանի մէջ Ա. Գէորգեան ներկայ գտնուեցաւ նաեւ «Արմէնիա ինֆօ» տեղեկատուական կայանի կառավարման համակարգի շնորհահանդէսին, որուն կը մասնակցէին նաեւ Ազգային վիճակագրական ծառայութեան նախագահ Ս. Մնացականեան, ՄԱԿի մանկական հիմնադրամի հայաստանեան ներկայացուցիչ Հ. Ահրենս, Լոռիի եւ Տաւուշի մարզպետները ու պաշտօնատար այլ անձինք: Համակարգը մշակուած է Ազգային վիճակագրական ծառայութեան կողմէ՝ ՄԱԿի Զարգացման ծրագիրին աջակցութեամբ:
Փոխվարչապետը այնուհետեւ մեկնեցաւ Իջեւան եւ մարզպետարանին մէջ խորհրդակցութիւն ունեցաւ Տարածքային կառավարման նախարարութեան ու մարզպետարանի պատասխանատուներուն մասնակցութեամբ:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
