By Asbarez | Tuesday, 22 November 2011
ԼՈՆՏՈՆ.- Նոյեմբեր 21ին, Լոնտոնի մէջ հրապարակուած յատուկ զեկոյցով մը, միջազգային հեղինակաւոր գործակալութիւններէն մէկը՝ Moody’s-ը, Հայաստանի պետական պարտքի սպասարկման հեռանկարները բացասական գնահատած է:
Գործակալութիւնը Հայաստանի տնտեսական վարկանիշը իջեցուցած է Ba2-ի, այսինքն, եթէ նախապէս անիկա կայուն կը գնահատուէր, ապա այժմ այդ վարկանիշը միանշանակօրէն բացասական է:
Այս քայլին հիմնական պատճառները, ըստ գործակալութեան մանագէտներուն, Հայաստանի արտաքին առեւտրային գործընկեր պետութիւններուն մէջ տիրող վիճակն ու համաշխարհային շուկային մէջ մետաղներու գիներու սպասուող անկումն են:
«Հայաստանի տնտեսութիւնը կը շարունակէ մնալ խոցելի վիճակի մէջ: Կ՛ակնկալուի, որ յառաջիկային, Հայաստանի հիմնական գործընկերները՝ Ռուսիան ու Եւրոպան, տնտեսական աճի դանդաղացման բախին», կը նշեն Moody’s-ի մասնագէտները:
Գործակալութեան մասնագէտները նաեւ կը նշեն, որ Հայաստանի տնտեսական կացութեան վրայ կրնայ ազդել Ռուսիոյ մէջ սպասուող տնտեսական անկայունութիւնը:
«Թէեւ յառաջիկայ երկու տարիներուն գործակալութիւնը որոշ համեստ աճ կ՛ակնկալէ, այնուհանդերձ, առկայ վտանգները շատ նշանակալի են, յատկապէս եթէ հաշուի առնենք համաշխարհային տնտեսութեան աճի բացասական հեռանկարները», կ՛ամփոփեն Moody’s-ի մասնագէտները:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
