By Aztag Daily | Wednesday, 21 September 2016
Երկուշաբթի, 19 սեպտեմբեր 2016-ի երեկոյեան, Արամ Ա. վեհափառ հայրապետը, ընդառաջելով Հայաստանի Հանրապետութեան նախագահ Սերժ Սարգսեանի հրաւէրին, մեկնեցաւ Հայաստան` մասնակից դառնալու Հայաստանի Հանրապետութեան անկախութեան 25-ամեակին նուիրուած ձեռնարկներուն:
Արամ Ա. կաթողիկոսին կ’ընկերանան Թեհրանի հայոց թեմի առաջնորդ Սեպուհ արք. Սարգիսեան, Նորայր եպս. Աշըգեան եւ Պետրոս վրդ. Մանուէլեան:
Հանրապետական Մաղթանք` Հայաստանի Հանրապետութեան
Անկախութեան 25-Ամեակին Առիթով
20 սեպտեմբերին Հայաստանի Հանրապետութեան անկախութեան 25-ամեակին առիթով, Երեւանի Ս. Գրիգոր Լուսաւորիչ մայր եկեղեցւոյ մէջ կատարուեցաւ Հանրապետական մաղթանք` հանդիսապետութեամբ Ամենայն հայոց Գարեգին Բ. կաթողիկոսին ու Մեծի Տանն Կիլիկիոյ Արամ Ա. կաթողիկոսին եւ ներկայութեամբ Հայաստանի Հանրապետութեան նախագահ Սերժ Սարգսեանի:
Ամենայն Հայոց կաթողիկոսը եւ Մեծի Տանն Կիլիկիոյ կաթողիկոսը մայր եկեղեցի մուտք գործեցին եկեղեցականներու թափօրին ընկերակցութեամբ եւ խոնարհեցան հայոց հաւատքի հայր Ս. Գրիգոր Լուսաւորիչին մասունքներուն դիմաց: Ապա, օրհնելով ներկայ հաւատաւոր ժողովուրդը, 14 եպիսկոպոսներու ընկերակցութեամբ Գարեգին Բ. եւ Արամ Ա. կաթողիկոսները բարձրացան Ս. խորան, ուր սկսաւ Հանրապետական մաղթանք` Հայաստանի Հանրապետութեան անսասանութեան ու պայծառութեան եւ անոր ժողովուրդին խաղաղ ու բարօր կեանքին համար:
Արարողութեան աւարտին զոյգ կաթողիկոսները տուին իրենց օրհնութիւնն ու պատգամ յղեցին համայն հայ ժողովուրդին:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին