By Asbarez | Saturday, 08 October 2016
ՀԱԼԷՊ, <<Գանձասար>> - Ուրբաթ, 7 Հոկտեմբեր 2016ին Հայաստանի կողմէ առաքուած <<Սուրիոյ եղբայր ժողովուրդին՝ խաղաղութեան մաղթանքներով>> խորագիրը կրող բարեգործական մարդասիրական օժանդակութիւնը հասաւ Հալէպ:
40 թոն կշռող մարդասիրական օժանդակութիւնը նախապէս երկու հանգրուանով հասած էին Լաթաքիոյ ռուսական Հըմէյմիմ ռազմակայան: Օժանդակութեան մէկ մասը տրամադրուեցաւ Լաթաքիոյ, Քեսապի, Թարթուսի եւ Դամասկոսի ժողովուրդին, իսկ գերակշիռ մասը հասաւ Հալէպ, տրամադրուելու բոլոր կարիքաւոր սուրիացիներուն:
Հալէպի Ս. Աստուածածին եկեղեցւոյ դիմաց օժանդակութիւնը փոխադրող բեռնակառքերու ժամանման ներկայ էին Հալէպի մօտ Հայաստանի գլխաւոր հիւպատոս Տիգրան Գէորգեան, հայ երեք համայնքապետները, սուրիական խորհրդարանի երեսփոխան Ժիրայր Ռէյիսեան, հալէպահայ կազմակերպութիւններու, միութիւններու, կրթական հաստատութիւններու եւ Սուրիահայութեան շտապ օգնութեան եւ վերականգնումի մարմնի ներկայացուցիչները:
Օժանդակութիւն, որ կ՛ընդգրկէր սննդամթերք, անձնական մաքրութեան իրեր, ձմեռնային հագուստներ, ծածկոցներ եւ այլն, յանձնուեցան Սուրիահայութեան շտապ օգնութեան եւ վերականգնեւմի մար-մինին, որպէսզի անիկա իր կարգին տրամադրէ բոլոր կարիքաւոր ընտանիքներուն, անկախ անոնց ազգային պատկանելիութենէն:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ