By Asbarez | Wednesday, 02 November 2016
ԵՐԵՒԱՆ - Հայաստանի բնապահպանութեան նախարար Ար-ծուիկ Մինասեան ընդունած է գերմանական GITEC կազմակերպութեան՝ Հայաստանի մէջ միջազգային խումբի ղեկավար Ռամազ Կոխելաշվիլին, վերջինիս ազգային տեղակալ Մարտիրոս Նալբանդեանը եւ գերմանական KfW դրամատան հայաստանեան ներկայացուցիչ Զառա Չատինեանը:
Հանդիպման ընթացքին քննարկուած են <<Կովկասի պահպանուող տարածքների աջակցութիւն ծրագիր-Հայաստան>> ծրագիրի հիմնական բաղադրիչները: Ծրագիրով նախատեսուած է 8.25 միլիոն եուրօ դրամաշնորհային գումարի ծիրին մէջ Հայաստանի Սիւնիքի մարզին մէջ իրականացնել <<Զանգեզուր>> կենսոլորտային պահպանավայրի կայացման աշխատանքներ: Ծրագիրի հիմնական նպատակն է տարածաշրջանի կենսաբազմազանութեան պահպանութիւնը, պահպանուող տարածքներու կառավարումը, ինչպէս նաեւ վերջիններու յարակից համայնքներու ընկերային-տնտեսական վիճակի բարելաւումը:
Գերմանական GITEC կազմակերպութիւնը կը կատարէ ծրագիրի միջազգային խորհրդատուութեան ծառայութիւն:
Կողմերը քննարկած են ծրագիրով նախատեսուած նախաձեռնութիւններու իրականացման թեքնիք մեքանիզմներու առնչուող հարցեր: Երկուստեք կարեւոր նկատած են տարուելիք աշխատանքներուն միջոցով առաւելագոյն արդիւնքներու ապահովման եւ ծրագիրով նախատեսուած միջոցառումներու նպատակաուղղուածութեան վերաբերող հարցեր: Դիտարկուած են նաեւ ծրագիրի ծիրին մէջ տարածաշրջանային համագործակցութեան կարելիութիւնները:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ