By Asbarez | Friday, 09 December 2016
ԵՐԵՒԱՆ, <<Արմէնփրէս>> - Հայաստանի նախագահ Սերժ Սարգսեան 8 Դեկտեմբերին աշխատանքային այցելութիւն կատարած է Լեռնային Ղարաբաղի Հանրապետութիւն:
Ստեփանակերտի օդակայանին մէջ ան դիմաւորուած է Լեռնային Ղարաբաղի նախագահ Բակօ Սահակեանի, պաշտպանութեան բանակի հրամանատար, զօր. Լեւոն Մնացականեանի եւ այլ բարձրաստիճան սպաներու կողմէ:
Հայաստանի նախագահին այցելութեան առաջին օրը, հայկական երկու հանրապետութիւններուն ղեկավարները Լեռնային Ղարաբաղի Կեդրոնական շրջանի հարաւարեւելեան զօրամասերէն մէկուն մէջ ներկայ գտնուած են նոր զօրանոցի բացման արարողութեան: Սարգսեան ծանօթացած է զօրամասի մարտական պատրաստականութեան, լսած հրամանատարութեան զեկոյցը, զրուցած զինուորներուն հետ, ապա ճաշած է անոնց հետ։
Նախագահ Սարգսեան խրախուսած է ծառայութեան ընթացքին ուշադրութիւն գրաւած շարք մը զինուորներ: Այնուհետեւ, Հայաստանի եւ Լեռնային Ղարաբաղի միջեւ ռազմական համագործակցութեան ծիրին մէջ պաշտպանութեան բանակի հրամանատարական կազմին հետ կայացած է խորհրդակցութիւն՝ բարձրաստիճան զինուորականներու մասնակցութեամբ: Քննարկուած են բանակաշինութեան վերաբերող հարցեր: Պաշտպանութեան բանակի հրամանատարը երկու երկիրներու նախագահներուն ներկայացուցած է վերջին ամիսներուն սահմանագիծին մէջ կատարուած աշխատանքներն ու յառաջիկային կատարուելիքները: Խորհրդակցութեան ընթացքին քննարկուած են նաեւ բանակը սպառազինութեամբ եւ նոր արհեստագիտութեան համալրելուն առնչուող հարցեր:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ