ԵՐԵՒԱՆ, <<Փանորամա>> - 13 Մայիս 2016ին Արցախի մէջ ծանրօրէն վիրաւորուած Յովհաննէս Պօղոսեան  Ամանորը դիմաւորած է իր տան մէջ՝ շրջապատուած  հարազատներով ու ընկերներով։

Յովհաննէսը ապրիլեան պատերազմին վիրաւորուելէ եւ քիչ մը ապաքինելէ ետք վերադարձաւ դիրքեր: <<Տղայիս տրամադրութիւնը շատ լաւ է, Նոր տարին էլ ուրախ դիմաւորեց>>, ըսած է Յովհաննէս Պօղոսեանի մայրը՝ Գայիանէ Ասատրեան, <<Փանորամա>>ի հետ ունեցած զրոյցին ընթացքին:

<<Յովհաննէսիս բարեմաղթանքը մէկն է՝ խաղաղութիւն լինի, զինուորները <<դուխով>> լինեն, չյուսահատուեն, անփորձանք ծառայեն ու վերադառնան իրենց ընտանիքներ>>,  փոխանցելով որդիին խօսքերը՝ նշած է տիկին Գայիանէն:

Անոր համաձայն՝ որդին վերականգնողական բուժում ստացած է <<Կարմիր Խաչ>>ի կեդրոնին մէջ, 23 Դեկտեմբերին եկած է տուն, իսկ տօնական օրերէն ետք պիտի շարունակէ բուժումը:

Ընդհանուր առմամբ, ըստ Գայիանէ Ասատրեանի, որդիին առողջական վիճակին մէջ դրական փոփոխութիւններ կան,  ոտքը կը շարժէ, բայց աջ ձեռքը դեռ չի կրնար շարժել: <<<<Կարմիր Խա>>չի կինեզիստներից շատ գոհ եմ, ամէն ինչ անում են, որ դրական արդիւնքի հասնեն: Տօներից յետոյ Յովհաննէսը վերականգնողական բուժումը կը շարունակի կինեզիստ Դաւիթ Արսէնեանի մօտ>>, նշած է Գայիանէ Ասատրեան՝  աւելցնելով, որ որդիին բուժումը  երկար ժամանակ կը պահանջէ:

<<Մենք դեռ երկար ճանապարհ ունենք անցընելու: Չենք յուսահատւում, Յովհաննէսը լաւատես է, տանն էլ զբաղւում է, որ շուտ ոտքի կանգնի: Այդ ծանր վիճակից որ դուրս եկաւ, որ հիմա մեր կողքին է, ինձ համար դրանից կարեւոր բան չկայ>>, ըսած է տիկին Գայիանէ:

Յովհաննէսի մայրը ունի մէկ փափաք՝ չարաբաստիկ 2016 թուականը չկրկնուի. <<Թող  սահմանին ոչ մի  զինուոր չզոհուի, թող ոչ մի մայր լաց չլինի>>:

Յիշեցնենք, որ 1995ին ծնած Յովհաննէս Պօղոսեան երկրորդ անգամ վիրաւորուած էր 13 Մայիսին գանկուղեղէն, վնասած էր գանկին մէկ բաժինը եւ ստացած այլ բազմաբեկորային կոտրուածքներ: Ան տեղափոխուած էր Մարտակերտի հիւանդանոց վիրահատուած, ապա տեղափոխուած Ստեփանակերտի հիւանդանոց, իսկ յետոյ՝ Երեւան:

Նշենք, որ բժիշկները Յովհաննէսին ապրելու զերօ տոկոս հաւանականութիւն տուած էին, ան երկար ատեն մնաց մահաքունի մէջ, միայն 36 օր ետք վերակենդանացման բաժանմունքէն տեղափոխուեցաւ հիւանդասենեակ: