By Aztag Daily | Friday, 24 March 2017
Հայաստանի Հանրապետութեան Ազգային անվտանգութեան ծառայութիւնը այս տարուան մարտին նախնական տեղեկութիւններ ստացած է այն մասին, որ Հայաստանի քաղաքացիներուն կողմէ Վրաստանի Հանրապետութենէն մաքսանենգութեամբ Հայաստանի տեղափոխուած է <<Իգլա>> տեսակի զենիթա-հրթիռային համակարգ:
Ազգային անվտանգութեան ծառայութենէն կը յայտնեն, որ ձեռնարկուած քննչական գործողութիւններուն եւ հետախուզական քայլերուն իբրեւ արդիւնք յայտնաբերուած եւ գրաւուած է <<Իգլա>> տեսակի զենիթա-հրթիռային համակարգի արձակման խողովակ` <<9M39>> հրթիռով:
Դէպքին առիթով 22 մարտ 2017-ին Հայաստանի Ազգային անվտանգութեան ծառայութեան քննչական վարչութեան կողմէ յարուցուած է քրէական գործ:
Ազգային անվտանգութեան ծառայութեան հրապարակած հաղորդագրութեան մէջ նշուած է. <<Ի պատասխան տարբեր լրատուամիջոցներու բազմաթիւ հարցումներուն` Հայաստանի Ազգային անվտանգութեան ծառայութեան մամլոյ կեդրոնը կը յայտնէ, որ մաքսանենգութեամբ Հայաստան <<Իգլա>> տեսակի զենիթա-հրթիռային համակարգ տեղափոխելու փաստին առիթով յարուցուած քրէական գործի շրջագիծին մէջ այս պահուն ձերբակալուած են 3 անձ, անոնց կարգին` Հայաստանի քաղաքացի Սամուէլ Բաբայեանը:
Կատարուած քննչական գործողութիւններու արդիւնքով բացայայտուած է, որ նշուած զենիթա-հրթիռային համակարգի բաղկացուցիչ մասերու ձեռքբերումը եւ փոխադրութիւնը իրականացուցած անձերը գործած են Սամուէլ Բաբայեանին հետ ունեցած նախնական համաձայնութեամբ եւ անոր պատուէրով:
Նախաքննութիւնը կը շարունակուի>>:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
