By Asbarez | Friday, 14 April 2017
ՍՏՈՓԱՆԱԿԵՐՏ.- Հայաստան համահայկական հիմնադրամը, իր Ֆրանսայի տեղական մարմինին հովանաւորութեամբ՝ Ստեփանակերտի մէջ սկսած է handball-ի (ձեռքի գնդակ) մարզահրապարակի կառուցումը:
Ծրագիրը կ՛իրականացուի ֆրանսացի գործարարներու նիւթական աջակցութեամբ: Մայրաքաղաքին կեդրոնը կառուցուող մարզահրապարակը պիտի ունենայ արհեստական խոտածածկով 800 քառմ. դաշտ, 102 նստատեղ հանդիսատեսի համար, հանդերձարաններ: Մարզահրապարակին լուսաւորումն ու կահաւորումը պիտի իրականացուին արդի պահանջներուն համապատասխան: Մարզահրապարակը, ուր կրնան իրականացուիլ նաեւ ֆութպոլի փորձեր, պիտի սպասարկէ շրջակայ դպրոցներու աւելի քան 3000 աշակերտի:
«Անհամբեր կը սպասենք, թէ երբ պատրաստ պիտի ըլլայ մարզակառոյցը: Ֆրանսայի handball-ի հաւաքականը երկար տարիներ եղած է աշխարհի առաջատարը, եւ ով գիտէ, հաւանաբար, արցախցի պատանի handballist-ները նոյնպէս դառնան վաղուան ախոյեաններ», ըսած է հիմնադրամի Ֆրանսայի տեղական մարմինի ատենապետ Պետրոս Թերզեան:
Նշենք, որ 2014ին ալ ֆրանսացի գործարարներու միջոցներով հիմնադրամը ֆութպոլի փոքր դաշտ կառուցած էր Մարտունիի շրջանի Ճարտար քաղաքին մէջ, ուր իր փորձերը կ՛իրականացնէ Արցախի ֆութպոլի ամենազօրաւոր խումբերէն մէկը՝ Ճարտարի հաւաքականը: Ճարտարի մանկապարտէզը եւս ֆրանսացի բարերարներու նուէրն է համայնքին:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
