By Aztag Daily | Thursday, 11 May 2017
Հատրութի մէջ պաշտպանութեան բանակի զինուորներու ընտանիքներուն համար շէնքեր կը կառուցուին:
<<Արցախփրես>>-ի թղթակիցին հետ զրոյցի մը ընթացքին շինարարական աշխատանքներ իրականացնող <<Եւրոսթրոյ>> ընկերութեան գլխաւոր ճարտարապետ Տիգրան Աւանեսեան ըսած է, որ կը կառուցուի 20 եւ 16 բնակարաններով 2 շէնք:
<<Շէնքերու շինարարութիւնը սկսած է յունիս 2016-ին: 20 բնակարանով առաջին շէնքը կը նախատեսուի շահագործման յանձնել մինչեւ ընթացիկ տարուան սեպտեմբերը: Արդէն աւարտած են տանիքի ծածկի կառուցման, ելեկտրական գիծերու, ներքին ու արտաքին ջրագիծերու միացման աշխատանքները, կը կատարուի ներքին եւ արտաքին յարդարում: 16 բնակարանով երկրորդ շէնքի տանիքի կառուցման եւ ներքին յարդարման աշխատանքներուն պիտի սկսինք յաջորդ շաբաթ. կը նախատեսուի շահագործման յանձնել 2018-ին: Շինարարութիւնը աւարտելէ ետք կը նախատեսուի նաեւ բարեկարգել շէնքերու տարածքները եւ կառուցել մանկական խաղահրապարակ>>, ըսած է Տ. Աւանեսեանը:
Նշենք նաեւ, որ զինուորներուն համար կառուցուող բազմաբնակարան շէնքերու շինարարութիւնը կ՛իրականացուի պաշտպանութեան բանակի միջոցներով:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ