By Asbarez | Wednesday, 10 May 2017
ՍՏԵՓԱՆԱԿԵՐՏ, <<Արցախփրէս>> - Հադրութի մէջ, պաշտպանութեան բանակի զինծառայողներու ընտանիքներուն համար կը կառուցուին բազմաբնակարան շէնքեր:
Շինարարական աշխատանքներ իրականացնող <<Եւրոստրօ>> ընկերութեան գլխաւոր ճարտարապետ Տիգրան Աւանեսեան կը յայտնէ, թէ կը կառուցուի 36 եւ 16 բնակարաններով 2 շէնք:
<<Շէնքերուն շինարարութիւնը սկսած է 2016 թուականի Յունիսին: 20 բնակարանով առաջին շէնքը կը նախատեսուի շահագործման յանձնել մինչեւ ընթացիկ տարուան Սեպտեմբեր: Արդէն աւարտած են տանիքի ծածկի կառուցման, ելեկտրական գիծերու, ներքին ու արտաքին ջրագիծերու կարգաւորման աշխատանքները. կ՛իրականացուի ներքին եւ արտաքին յարդարում: 16 բնակարանով երկրորդ շէնքի տանիքի կառուցման եւ ներքին յարդարման աշխատանքները պիտի սկսինք յաջորդ շաբաթ. կը նախատեսուի զայն շահագործման յանձնել 2018 թուականին: Շինարարութիւնը աւարտելէ ետք, կը նախատեսուի նաեւ բարեկարգել շէնքերուն տարածքները եւ կառուցել մանկական խաղահրապարակ>>, կ՛ըսէ Տ. Աւանեսեան:
Նշենք, որ զինծառայողներու համար կառուցուող բազմաբնակարան շէնքերու շինարարութիւնը կ՛իրականացուի Պաշտպանութեան բանակի միջոցներով:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ