By Asbarez | Tuesday, 23 May 2017
ԵՐԵՒԱՆ - Հայաստանի մէջ ստեղծուած է լազերային սարք մը, որ նախատեսուած է ռազմական նշանակութեան տեսողական միջոցներու յայտնաբերման եւ ոչնչացման համար:
Այս մասին <<Հայոց Աշխարհ>> օրաթերթին տուած հարցազրոյցին ընթացքին ըսած է Հայաստանի Հանրապետութեան Զինուած ուժերու գլխաւոր շտաբի ներկայացուցիչ Արամ Սայադեան:
<<Սարքի առաւելութիւնը այն է, որ մինչեւ դիպուկահարին աշխատիլը, նախքան կրակոց արձակելը, սարքը թոյլ կու տայ յայտնաբերելու զայն, որքան ալ որ դիպուկահարը քօղարկուած ըլլայ: Որքան ալ ան թաքնուի, տեսողականը չի փակեր, քանի որ տեսողականը պիտի բաց տեսադաշտ ունենայ, որ թիրախ որոնէ: Այդ տեսողականէն անդրադարձուող ճառագայթները որսալով՝ մեր սարքը կը յայտնաբերէ ու կը բացայայտէ դիպուկահարին վայրը: Ինչպէս նաեւ հզօր լազերային ճառագայթի օգնութեամբ՝ շարքէ կը հանէ տուեալ տեսողական սարքը:
Սարքին ամբողջ հաւաքածոն՝ յարակից սարքերով, կրնայ տեղափոխել երկու հոգի: Շատ դիւրին է զայն քօղարկել, քանի որ սարքը ինքնին փոքր է>>, նշած է Սայադեան:
Ըստ անոր՝ սարքը նախատեսուած է նաեւ ռազմական նշանակութեան հեռադիտակ, տեսողական հետախուզութեան որեւէ սարք, ինչպէս նաեւ տեսա-ելեկտրոնային հետախուզութեան, այսինքն՝ ջերմատեսիլ սարքեր, տարբեր ելեկտրոնային տեսախցիկներ, գիշերային կամ սակաւ տեսանելիութեան պայմաններու խցիկներ բացայայտելու համար:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ