By Asbarez | Tuesday, 06 June 2017
ՍՏԵՓԱՆԱԿԵՐՏ - Արցախի պաշտպանութեան բանակը ապրիլեան պատերազմին ընթացքին զինամթերքի պակաս չէ ունեցած: Այս մասին լրագրողներու հետ հանդիպման ժամանակ վստահեցուցած է Արցախի Հանրապետութեան պաշտպանութեան բանակի հրամանատար Լեւոն Մնացականեան:
<<Մարտական կազմը դիրքերուն մէջ քանի մը անգամով սահմանուածէն աւելի եղած է: Ապրիլեան դէպքերուն ընթացքին մենք զինամթերքի պակաս չենք ունեցած: Այժմ սպառազինութեան տեսականիի աճ ունինք առաջնագիծին վրայ: Անիկա համալրուած է արհեստագիտական աւելի արդիական եւ նոր միջոցներով>>, յայտնեց Մնացականեան:
Արցախի պաշտպանութեան նախարարութիւնը աշխատանք կը տանի դիրքերուն ինքնահոս ջուր հասցնելու ուղղութեամբ: Լեւոն Մնացականեան կը վստահեցնէ, թէ այժմ դիրքերուն մէջ զինուորներուն լոգանքի համար շաբաթը մէկ անգամ մեքենաներով ջուր կը տանին:
Հրամանատարը նաեւ նշեց, որ այժմ զօրամասերուն մէջ հնարաւորութիւն կը ստեղծեն, որպէսզի սպաները համացանցային կապի միջոցով, առանց գումար ծախսելու կապ հաստատեն իրենց հարազատներուն եւ ծնողներուն հետ. պիտի ապահովեն նաեւ տեսակապ։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ