By Asbarez | Wednesday, 21 June 2017
ԵՐԵՒԱՆ - Յունիս 20ին, Հայաստանի տնտեսական զարգացման եւ ներդրումներու նախարարութեան մէջ տեղի ունեցաւ հանդիպում-քննարկում <<Մեր Գիւղը>> խորագիրով նախագիծ-առաջարկի վերաբերեալ:
<<Փանորամա>>ն կը յայտնէ, թէ նախագիծի հիմնական նպատակն է կազմակերպել ամէնամեայ փառատօն-տօնավաճառ՝ Հայաստանի եւ Արցախի գիւղատնտեսական արտադրանքը ներկայացնելու եւ իրականացնելու ակնկալութեամբ:
Հանդիպումը կազմակերպած էր Հայաստանի տնտեսական զարգացման եւ ներդրումներու նախարարութեան զբօսաշրջութեան պետական կոմիտէի նախագահ Զարմինէ Զէյթունցեան:
Քննարկման մասնակցեցան նախագիծին հեղինակները եւ պետական ու մասնաւոր կառոյցներու ներկայացուցիչներ:
<<Փառատօնը պիտի նպաստէ զբօսաշրջիկներուն եւ տեղացիներուն Հայաստանի եւ Արցախի գիւղատնտեսական եւ մշակութային առանձնայատկութիւններուն եւ նուաճումներուն ծանօթանալու, փոքր եւ միջին գործարարութեան առաջխաղացման, ներքին եւ ներգնայ զբօսաշրջութեան զարգացման>>, իր խօսքին մէջ նշեց Զարմինէ Զէյթունցեան:
Հանդիպման ընթացքին քննարկուեցաւ 2017ի Սեպտեմբեր-Հոկտեմբեր ամիսներուն Երեւանի մէջ փառատօնը կազմակերպելու հնարաւորութիւնը, որուն ընթացքին իրենց արտադրանքը պիտի ներկայացնեն Հայաստանի բոլոր մարզերու եւ Արցախի գիւղատնտեսական ապրանքներ արտադրող երկրագործական տնտեսութիւնները, ձեռնարկութիւնները, անհատ ձեռներէցները եւ փոքր ու միջին արտադրողները:
<<Մեր Գիւղը>> խորագիրով նախագիծ-առաջարկը Հայաստանի զբօսաշրջութեան պետական կոմիտէն ստացած է <<Մեր Գիւղը>> ընկերութեան կողմէ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ