By Asbarez | Tuesday, 18 July 2017
Քանի մը օրէն սկիզբ կ՛առնեն ՀՄԸՄի 100ամեակին նուիրուած Համա-ՀՄԸՄական 10րդ մարզախաղերը, որոնք տեղի պիտի ունենան 20էն 29 Յուլիս 2017ին, Երեւանի մէջ:
Չորս տարին անգամ մը տեղի ունեցող այս մարզախաղերը մեծ խանդավառութեամբ կը սպասուին բոլորին կողմէ: Իսկ 10րդ մարզախաղերը իւրայատուկ պիտի ըլլան նկատի ունենալով, որ անոնցմով սկիզբը պիտի տրուի միութեան 100ամեակի ձեռնարկներուն, որոնք պիտի երկարին մինչեւ 2018ի աւարտը:
Մարզախաղերուն կը մասնակցին 21 շրջաններ՝ Արեւելեան եւ Արեւմտեան Միացեալ Նահանգներ, Աւստրալիա, Գահիրէ, Գանատա, Երուսաղէմ, Լիբանան, Լոնտոն, Կիպրոս, Հայաստան, Հարաւային Ամերիկա, Մարսէյ, Մոսկուա, Յունաստան, Պուլկարիա, Սուրիա, Վալանս, Քուէյթ, Ֆրանսա ու <<Արարատ>> եւ <<Նայիրի>> միութիւնները: Մասնակիցներուն թիւը արդէն իսկ անցած է 1000ի սահմանը։
Շաբաթ, 22 Յուլիսի երեկոյեան ժամը 7:30ին, <<Հանրապետութեան>> հրապարակին վրայ պիտի կատարուի մարզախաղերու պաշտօնական բացումը: Ծիծեռնակաբերդի յուշահամալիրէն պիտի վառի մարզախաղերու ջահը եւ պիտի փոխադրուի <<Հանրապետութեան>> հրապարակ, ուր պիտի համախմբուին տողանցող մասնակիցները, պաշտօնական հրաւիրեալներն ու ժողովուրդը: Պաշտօնական բաժինի աւարտէն ետք տեղի պիտի ունենայ երգահանդէս, նաեւ՝ հրավառութիւն:
Մարզախաղերուն ընթացքին նկատի առնուած են նաեւ յատուկ դաստիարակչական ծրագիրներ, հայոց բանակի զօրակցութեան համար զօրամաս այցելութիւն, ինչպէս նաեւ ընկերային պահեր:
Փակման պաշտօնական հանդիսութիւնը տեղի պիտի ունենայ <<Միքա>> մարզադաշտին մէջ, Շաբաթ, 29 Յուլիսին: Իսկ նոյն օրը երեկոյեան, մարզախաղերը իրենց աւարտին կը հասնին Յաղթանակի պարահանդէսով:
Յատուկ պահեր եւ յիշատակներ, ինչպէս նաեւ յաջորդող օրերուն կը սպասուին նուաճումներ, որոնք պիտի ճոխացնեն միութեան հաստափոր 100ամեայ պատմութեան էջերը՝ միշտ ՀՄԸՄի յատուկ կապուածութեամբ ու եղբայրական ոգիով:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին