By Aztag Daily | Thursday, 10 August 2017
Արցախի պաշտպանութեան բանակի մամլոյ քարտուղար Սենոր Հասրաթեան իր ֆէյսպուքեան էջին մէջ անդրադարձած է ազրպէյճանական կողմի հրապարակումներուն, թէ իբրեւ թէ հայկական նախայարձակ խումբ մը փորձած է ներթափանցում կատարել` նշելով, որ անիկա Պաքուի հերթական բեմադրութիւնն է:
<<Քիչ առաջ ազրպէյճանական քարոզչամեքենան` սեփական հանրութեան ոգիի ծարաւը յագեցնելու նպատակով` շրջանառութեան մէջ դրաւ իր զինուժի երեւակայական յաղթարշաւը ներկայացնող հերթական բեմադրութիւնը: Անմիջապէս պէտք է արձանագրել, որ ինչպէս միշտ, այս անգամ եւս սիրողականէն ցած ընդունակութեամբ օժտուած Պաքուի բեմադրիչները մատուցեցին այն, ինչ որ յարիր է միայն իրենց: Նիւթն ալ նոյնն էր ու ծամծմուած` հայկական յարձակողական խումբը փորձած է իրականացնել ներթափանցում, իսկ իրենց <<քաջարի ասկեարները թշնամիին կորուստներ պատճառելով ետ շպրտած են զայն…>>: Կարելի էր նաեւ այս յիմարութեան չանդրադառնալ (ինչպէս սովորաբար կը վարուինք), բայց անհանգստացողները շատ են: Խորհուրդս` մի՛ անհանգստանաք, Պաքուի կողմէ հիւսուած հերթական հեքիաթն է® սեփական լսարանին համար>>, գրած է Հասրաթեան:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին