By Asbarez | Wednesday, 16 August 2017
ԵՐԵՒԱՆ - Օգոստոս 15ի կէսօրուան դրութեամբ, Խոսրովի Անտառի սահմաններէն ներս այրած է 16 քիլոմեթր պարագիծով բուսածածկ տարածք, որուն 360 հեկտարը՝ անտառներ:
Ռուսիոյ տրամադրած ԻԼ-76 ինքնաթիռը մեծապէս նպաստած է հրդեհի մարման աշխատանքներուն:
Օգոստոս 10ին, Վայոց Ձորի մարզի Արտաւան գիւղին յարակից տարածքին վրայ բռնկած հրդեհին դէմ 5օրեայ պայքարէն ետք, Օգոստոս 15ի կէսօրին, հրդեհը կարելի եղած է մեկուսացնել: Փորուած են բազմաշերտ (4-10 մեթր լայնութեամբ) խրամատներ. հրդեհի տարածումը գրեթէ ամբողջութեամբ մեկուսացուած է, տարածման վտանգ չկայ:
Օգոստոս 15ի կէսօրուան դրութեամբ, այրած է Արտաւանի շրջանէն 15.6 քիլոմեթր պարագիծով խոտածածկ տարածք, որմէ 320 հեկտարը՝ անտառածածկ:
Նշենք, որ Վայոց Ձորի հրդեհը մարդածին եղած է: Հրդեհի հեղինակը դէպքի պահուն եղած է իր անչափահաս զաւակին հետ: Երկուքով փորձած են հրդեհը մարել, սակայն չեն կրցած:
Հայաստանի գլխաւոր դատախազ Արթուր Դաւթեան այս մասին զեկուցելով նախագահին, աւելցուցած է, որ հրդեհի հեղինակը խոստովանած է իր արարքը եւ նկարագրած, թէ ինչպէս բռնկած է հրդեհը:
<<Անձը նկարագրել է, որ երեկոյեան ժամի 6ին գնացել է իր հանդամաս, նախորդ օրը քաղած խոտը հակաւորելու աշխատանքներն իրականացնելու համար: Կիսախափանուած, <<Ջորի>> մեքենայով է եղել, փորձել է բարձունքը բարձրանալ, սակայն, այդ ընթացքում շարժիչի գործարկման հետ կապուած խնդիրներ են առաջացել եւ ըստ իր ներկայացնելու՝ խլացուցիչից հաւաքուած, չայրուած գազերի անմիջական բոցի ձայն է լսել, որից յետոյ մեքենայի յետեւի մասում ծուխ է տեսել: Քաղաքացին եղել է անչափահաս որդու հետ, փորձել են հրդեհը հանգցնել, բայց չեն կարողացել>>, զեկուցած է գլխաւոր դատախազը:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին