By Asbarez | Thursday, 14 September 2017
ԵՐԵՒԱՆ - <<Սիւնիք>> օդակայանի վերագործարկման ուղղուած աշխատանքներու ծիրին մէջ մեկնարկած է նաեւ օդակայանի շէնքի կառուցման գործընթացը, <<ֆէյսպուք>>ի իր էջին վրայ կը տեղեկացնէ Սիւնիքի մարզպետի խորհրդական Ռոբերտ Հայրապետեան:
Ան տեղադրած է նաեւ շէնքի նախագիծի լուսանկարները:
Նշենք, թէ նախապէս Սիւնիքի մարզպետ Վահէ Յակոբեան յայտնած էր, որ կարեւոր է աշխատանքներու արագութիւնը, բայց առաւել կարեւոր է որակը:
<<Սիւնիքի մարզկեդրոնի հեռաւորութիւնը մայրաքաղաքէն կը դարձնենք 40 վայրկեան>>, կ՛ըսէ Յակոբեան՝ օդակայանի կառուցման առիթով իրականացուած տեսանիւթին մէջ:
Օդակայանի վերակառուցման աշխատանքները մեկնարկած են այս տարուան Մարտին:
Այս առիթով <<ՓանԱրմինիըն>>ը զրուցած է Սիւնիքի մարզպետի խորհրդական Սահակ Յակոբեանի հետ, որ ըսած է. <<Օդակայանի շէնքը պիտի ունենայ շուրջ 900 քառ.մ. մակերես: Կը նախատեսուին, որ շէնքին մէջ ժամական 100 ուղեւոր սպասարկուի: Անիկա պիտի համապատասխանէ անվտանգութեան բոլոր չափանիշներուն: Նոյն շէնքին մէջ պիտի գործէ նաեւ օդանաւներու <<Նեվիիկէյշըն>> (navigation) կեդրոնը: Աշխատանքները կը ծրագրենք աւարտել մինչեւ 2018ի առաջին կիսամեակի աւարտը>>:
Մարզպետի խորհրդականը կը տեղեկացնէ, որ օդակայանը կը ծրագրեն շահագործման յանձնել մինչեւ 2018ի կէսերը: Յայտնենք, որ օդակայանի շէնքի կառուցման նախագիծի հեղինակը <<Տրանսնախագիծ>> ընկերութիւնն է:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
