By Asbarez | Thursday, 12 October 2017
ԵՐԵՒԱՆ, <<Արմէնփրէս>> - Պաշտպանութեան ոլորտի օրէնսդրական դաշտը ի մի բերելու կարիք կայ: 11 Հոկտեմբերին, Ազգային ժողովի դահլիճին մէջ <<Զինապարտութեան եւ զինուորական ծառայութեան մասին օրէնսդրական նոր կարգաւորումներուն վերաբերեալ>> թեմայով խորհրդարանական լսումներուն ընթացքին, իր ելոյթին մէջ յայտնեց պաշտպանութեան նախարար Վիգէն Սարգսեան:
Ըստ նախարարին՝ խորհրդարանական լսումներուն նպատակը հանրութեան օրէնսդրական նոր կարգաւորումներուն մասին առաջարկը ներկայացնելն է:
Վիգէն Սարգսեան ըսաւ, որ <<Պաշտպանութեան մասին>> եւ <<Զինուորական ծառայութեան մասին>> օրէնքներու ընդունումը կապուած է սահմանադրական բարեփոխումներուն հետ, քանի որ եղած փոփոխութիւնները կարիք ունին կարգաւորման՝ օրէնսդրական մակարդակի վրայ:
Օրէնսդրական փոփոխութիւններու երկրորդ նպատակը, ըստ նախարարին, ոլորտին մէջ միասնական օրէնսդրական դաշտ ստեղծելն է, որովհետեւ գործող օրէնքներուն մէջ շատ յաճախ կարելի է հանդիպիլ օրէնսդրական նոյն կարգաւորումներուն:
Երրորդ նպատակը պաշտպանական համակարգին մէջ ներդրուած <<Պատիւ ունիմ>> եւ <<Ես եմ>> ծրագիրներուն համար իրաւական հիմքի ստեղծումն է. անոնք լուծում կը պահանջեն. <<Երկու ծրագիրներն ալ, ինչպէս նաեւ բազմաթիւ այլ փոփոխութիւններ, կարիք ունին իրաւական ձեւակերպման՝ օրէնքի մակարդակով>>, յայտնեց Սարգսեան՝ աւելցնելով, որ նոր կարգաւորումներով պիտի յստականան նաեւ ՊՆի եւ Զինուած ուժերու գլխաւոր շտապի գործառոյթները, պիտի արդիականացուին զօրակոչային ծառայութիւնները:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
