By Asbarez | Thursday, 12 October 2017
ԵՐԵՒԱՆ - Վարչապետ Կարէն Կարապետեան Չորեքշաբթի, 11 Հոկտեմբերին ընդունեց զանազան ընկերութիւններ ներկայացնող միջազգային ներդրողներու խումբը՝ <<Լիտիան Ինթըրնաշընըլ>> ընկերութեան նախագահ եւ գլխաւոր տնօրէն Հաուըրտ Սթիւընսընի գլխաւորութեամբ:
Հանդիպման ընթացքին վարչապետը ընդգծեց Հայաստանի մէջ <<Լիտիան Ինթըրնաշընըլ>>ի կողմէ իրականացուող ներդրումային ծրագիրի կարեւորութիւնը եւ յայտնեց, որ կառավարութիւնը կանգնած է ներդրողներու կողքին՝ որպէս գործընկեր:
Վարչապետը նոյն ատեն ընդգծեց ընկերութեան կողմէ բնապահպանական ու ընկերային պարտաւորութիւններու կատարման կարեւորութիւնը:
Վարչապետը ներդրողներուն յորդորեց Հայաստանը դիտարկել իբրեւ եւրասիական եւ իրանեան շուկաներ մուտք գործելու լաւ հարթակ՝ նկատի առնելով գոյութիւն ունեցող առեւտրական բարենպաստ պայմանները:
<<Լիտիան Ինթըրնաշընըլ>>ի նախագահը յայտնեց, որ իրենք միշտ կը փորձեն միջազգային ներդրողներուն ներկայացնել, որ Հայաստան կրնայ գործի համար բարենպաստ հարթակ ըլլալ: Ան նաեւ վստահեցուց, որ ըստ սահմանուած ժամանակացոյցի ստանձնած բոլոր պարտաւորութիւնները եւ ընկերային ու բնապահպանական ծրագիրները կեանքի պիտի կոչուին:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին