By Asbarez | Tuesday, 14 November 2017
ԵՐԵՒԱՆ - Տարկէտման իրաւունքը սահմանափակելու դէմ ուսանողներու բողոքի ցոյցը Երկուշաբթի, 13 Նոյեմբերին շարունակուեցաւ: Ուսանողները 5րդ օրն է, որ դասադուլի մէջ են: Անոնք հաւաքուեցան Երեւանի պետական համալսարանին դիմաց եւ հրաժարեցան դասերուն մասնակցելէ:
Յիշեցնենք, թէ 9 Նոյեմբերին, ուսանողները հանդիպած էին վարչապետ Կարէն Կարապետեանի, պաշտպանութեան նախարար Վիգէն Սարգսեանի եւ կրթութեան եւ գիտութեան նախարար Լեւոն Մկրտչեանի հետ: Կառավարութեան շէնքին մէջ երկու ժամ տեւած հանդիպման ընթացքին կողմերը համաձայնութեան չէին եկած:
10 Նոյեմբերի ուշ երեկոյեան հրաւիրուած էր Հայաստանի Ազգային անվտանգութեան, պաշտպանութեան եւ ներքին հարցերու յանձնաժողովի արտահերթ նիստ եւ նախագիծը՝ դրական եզրակացութեամբ, ուղարկուած Ազգային ժողով՝ յառաջիկայ քառօրեայի օրակարգին վրայ ունենալու համար:
Պաշտպանութեան փոխնախարար Արտակ Զաքարեան յայտարարեց, որ օրէնքի նախագիծին մէջ կատարուած են որոշ զիջումներ, մասնաւորապէս բացառիկ տաղանդաւոր ուսանողները պիտի ազատուին զինծառայութենէն: Աազգային ժողովի քառօրեան կը մեկնարկէ 14 Նոյեմբերին:
<<Յանուն գիտութեան զարգացման>> նախաձեռնութեան անդամները դասադուլով կը պահանջեն պահպանել գործող ներկայ ակադեմական տարկէտման իրաւունքի սկզբունքները:
Պաշտպանութեան նախարարութեան առաջարկած <<Զինուորական ծառայութեան եւ զինծառայողի կարգավիճակի մասին>> օրէնքի նախագիծով կ՛առաջարկուի խիստ կերպով սահմանափակել այդ իրաւունքը:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ