By Asbarez | Thursday, 23 November 2017
Չինաստանի մօտ Հայաստանի դեսպան Սերգէյ Մանասարեանի եւ Չինաստանի մէջ Հայաստանի առեւտրական կցորդ Հրանդ Ապաճեանի՝ Չինաստանի Ցինտաօ քաղաք կատարած այցի ծիրին մէջ, 17 Նոյեմբերին տեղի ունեցաւ հանդիպում <<Մէկ գօտի, մէկ ճանապարհ>> նորարարական համագործակցութեան կեդրոնի նախագահ Լու Ճանկի հետ:
Նոյն օրը տեղի ունեցաւ Հայաստանի համագործակցութեան գրասենեակի բացման արարողութիւնը, որ ազդարարուեցաւ Հայաստանի Առեւտրաարդիւնաբերական պալատի, Արդիւնաբերողներու եւ գործարարներու միութեան եւ <<Մէկ գօտի, մէկ ճանապարհ>> նորարարական համագործակցութեան կեդրոնին միջեւ պայմանագիրներու ստորագրումով: Համագործակցութեան պայմանագիր ստորագրուեցաւ նաեւ Չինաստանիի մօտ Հայաստանի դեսպանութեան եւ <<Մէկ գօտի, մէկ ճանապարհ>> նորարարական համագործակցութեան կեդրոնին միջեւ:
<<Մէկ գօտի մէկ ճանապարհ>> նորարարական համագործակցութեան կեդրոնին հետ Հայաստանի համագործակցութեան գրասենեակի բացման վերաբերեալ շուրջ կէս տարի տեւած բանակցութիւններուն իբրեւ արդիւնք՝ ձեռք բերուած էր համաձայնութիւն, որ հայկական կողմէն գրասենեակի գործառոյթները պիտի իրականացուին Հայաստանի Առեւտրաարդիւնաբերական պալատի եւ Արդիւնաբերողներու ու գործարարներու միութեան կողմէ: Գրասենեակին գործառոյթները պիտի տարածուին Չինաստանի հիւսիսային հատուածին մէջ՝ ընդգրկելով 19 նահանգներ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ