By Asbarez | Friday, 24 November 2017
ՍՏԵՓԱՆԱԿԵՐՏ - 21 Նոյեմբերին, երեկոյեան ժամը 6:35ի սահմաններուն, Պաշտպանութեան բանակի հիւսիս-արեւելեան ուղղութեամբ տեղակայուած զօրամասերէն մէկուն պահպանութեան տեղամասին մէջ, ականի մը պայթումէն զոհուած են Պաշտպանութեան բանակի զինծառայողներ Գեղամ Զաքարեան (1995ի ծնունդ), Սարգիս Աբրահամեան (1998ի ծնունդ) եւ Սարգիս Մելիքեան (1997ի ծնունդ):
Զինծառայող, 1998ի ծնունդ Նարեկ Հովէեան ծանրօրէն վիրաւորուած է:
Ըստ Արցախի պաշտպանութեան նախարարութեան փոխանցած տեղեկութիւններուն՝ դէպքին մանրամասնութիւնները պարզելու համար կը կատարուի քննութիւն:
<<Արցախի Հանրապետութեան պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ զոհուած զինծառայողներու ընտանիքի անդամներուն, հարազատներուն եւ ծառայակիցներուն>>, ըսուած է հաղորդագրութեան մէջ:
Արցախի նախագահ Բակօ Սահակեան 22 Նոյեմբերին ստորագրած է հրամանագիր մը, որուն համաձայն՝ Արցախի Հանրապետութեան պետական սահմանը պաշտպանելու ընթացքին ցուցաբերած արիութեան համար Արցախի պաշտպանութեան բանակի N զօրամասի զինծառայողներ Գեղամ Զաքարեանը, Սարգիս Աբրահամեանը, Սարգիս Մելիքեանը յետ մահու պարգեւատրուած են <<Մարտական ծառայութիւն>> մետալով:
Զոհուած Գեղամ Զաքարեան Մուսալեռ գիւղի բնակիչ էր, կոչումով սպայ: 22ամեայ Գեղամը այս ամառ աւարտած է Վազգէն Սարգսեանի անուան ռազմական հիմնարկը եւ Յուլիսի վերջը տեղափոխուած Արցախ՝ ծառայութեան: Մուսալեռի մէջ կը բնակին սպային ծնողները. ունի քոյր ու եղբայր:
Սարգիս Աբրահամեան Արարատի մարզի Մասիս քաղաքէն էր. բանակ զօրակոչուած էր 1.5 տարի առաջ: <<Շատ խելօք տղայ էր, շատ լաւ ընտանիքէ, մայրը բուժքոյր է, հայրը՝ վարորդ, Մասիս կ՛ապրին>>, ըսած են զինուորական զօրակայանէն:
Սարգիս Մելիքեան Գեղարքունիքի մարզի Վարդենիս քաղաքէն էր։ Յունուարին պիտի աւարտէր ծառայութիւնը: 20ամեայ Սարգիսը տան միակ որդին էր, իրմէ մեծ 3 քոյր ունի:
Յարուցուած է քրէական գործ՝ Հայաստանի քրէական օրէնսգիրքի 373րդ յօդուածի 4րդ մասով՝ զէնքի, ռազմամթերքի եւ շրջապատին համար առաւել վտանգ ներկայացնող առարկաներու, նիւթերու հետ վարուելու կանոնները խախտելը, որ անզգուշութեամբ յառաջացուցած է երկու կամ աւելի անձերու մահ: Կը ձեռնարկուին անհրաժեշտ քննչական գործողութիւններ՝ դէպքի բոլոր հանգամանքները բացայայտելու ուղղութեամբ:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին