By Asbarez | Wednesday, 24 January 2018
ԵՐԵՒԱՆ - Հայաստանի կառավարութիւնը կը քննարկէ գիւղատնտեսական արտադրանքի գիներուն վրայ վառելանիւթի արժէքի բարձրացման ազդեցութիւնը մեղմացնելու կամ նուազեցնելու օժանդակութեան ծրագիր:
Ազգային ժողովին մէջ, գնաճը մեղմացնելու հնարաւորութիւններուն վերաբերեալ խորհրդարանական լսումներուն ընթացքին այս մասին, ըստ <<Արմէնփրէս>>ի, յայտնեց Հայաստանի գիւղատնտեսութեան նախարար Իգնատի Առաքելեան:
<<Մենք հիմա կը քննարկենք օժանդակութեան ծրագիր, որուն կառուցակազմերը պիտի հրապարակենք, երբ կառավարութեան կողմէ ծրագիրը վերջնական հաւանութեան արժանանայ: Մենք յստակօրէն պիտի ներկայացնենք, թէ ինչպէս պիտի օժանդակենք, որքան եւ ինչ ուղղութիւններով>>, յայտնեց նախարարը:
Իգնատի Առաքելեան նաեւ ըսաւ, որ առաջին հերթին ուշադրութիւն պիտի դարձնեն գիւղատնտեսական արտադրանքի արդիւնաւէտութեան բարձրացման վրայ: Ան յայտնեց, որ բացի գիւղատնտեսական սարքերէն՝ վնասներու ցանկին մէջ պիտի ներառեն նաեւ փոքր ջերմոցային տնտեսութիւններ եւ այլ սարքեր, որոնք գիւղացիին հնարաւորութիւն պիտի տան առաւել որակաւոր արտադրանք ունենալու:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ