By Asbarez | Wednesday, 11 April 2018
Երեքշաբթի, 10 Ապրիլին, Նոր Մարաղայի մէջ տեղի ունեցաւ յիշատակի ձեռնարկ մը՝ նուիրուած գիւղի կոտորածի 26րդ տարելիցին:
Ըստ <<Արցախփրէս>>ի՝ ներկաները նախ ծաղիկներ խոնարհեցին Մարաղայի զոհուած հերոսներու յիշատակին կանգնեցուած յուշաքարին:
Այնուհետեւ գիւղի ազատագրման ժամանակ զոհուած հրամանատար Վագիֆ Համբարձումեանի անունը կրող միջնակարգ դպրոցի աշակերտները հանդէս եկան հայրենասիրական բանաստեղծութիւններով եւ երգերով:
Ելոյթ ունեցաւ դպրոցի տնօրէն Լիւդա Գրիգորեան, որ վերյիշելով 1992ի Մարաղայի դժնդակ դէպքերը՝ դատապարտեց բոլոր ոճրագործները:
Մարաղա գիւղի ինքնապաշտպանական ջոկատի հրամանատար, համայնքի ղեկավար Ռոմա Կարապետեան պատմեց, որ 1992ի Ապրիլ 9ի լոյս 10ի գիշերը, ատրպէյճանցի հրոսակները, կիրառելով տարբեր զինատեսակներ՝ հրետակոծած են գիւղը:
Ըստ անոր՝ Մարտակերտի շրջանի բոլոր ջոկատներու հրամանատարները նոյն օրը հրաւիրած էին խորհրդակցութեան եւ կազմած են Մարաղայի ազատագրման ծրագիրը:
Ան նշեց նաեւ, որ Մարաղայի վերջնական ազատագրումը իրականացաւ 10 Ապրիլ 1992ի գիշերը:
<<Մարաղայի ազատագրման ժամանակ զոհուեցան 51 խաղաղ բնակիչներ, պատանդ առնուեցան 38 ուրիշներ, որոնցմէ 24ը յետագային փոխանակուեցաւ, իսկ 14 անձերու ճակատագիրը մինչ այսօր անյայտ է>>, ըսաւ Կարապետեան:
Ձեռնարկին ներկայ էին Մարտակերտի շրջանի վարչակազմի ղեկավարի տեղակալ Նուէր Սայիեան, Արցախի ազատամարտիկներու միութեան Մարտակերտի քաղաքային կազմակերպութեան նախագահ Նիկոլայ Աւագիմեան, Մարաղայի բնակիչներ, հիւրեր եւ այլք:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին