By Asbarez | Thursday, 10 May 2018
ՍՏԵՓԱՆԱԿԵՐՏ - Նորընտիր վարչապետ նիկոլ Փաշինեան, 9 Մայիսի առաւօտեան ուղեւորուեցաւ Արցախ՝ Ստեփանակերտի մէջ մասնակցելու Յաղթանակի օրուան տօնակատարութիւններուն: Արցախի նախագահ Բակօ Սահակեանի, պետական նախարար Արայիկ Յարութիւնեանի, ՊԲ հրամանատար Լեւոն Մնացականեանի եւ այլ պաշտօնատար անձերու հետ Փաշինեան այցելեց Ստեփանակերտի յուշահամալիր, այնուհետեւ ծաղիկներ զետեղեց Արցախեան ազատամարտի մասնակիցներու գերեզմաններուն: Այս մասին կը հաղորդէ «ՓանԱրմինիըն»ը:
Վարչապետը 9 Մայիսի եռատօնին առիթով նաեւ ուղերձ յղեց՝ շնորհաւորելով Յաղթանակի եւ խաղաղութեան տօնը: Ան իր խօսքին մէջ ըսաւ.
«Հայրենական մեծ պատերազմին մեր նախնիներու տարած յաղթանակը իսկապէս պատմական էր: Այդ յաղթանակը եւ անով պայմանաւորուած խաղաղութիւնը նոր դռներ բացին մեր ժողովուրդին համար եւ նոր հորիզոններ բացին անոր ստեղծագործ աշխատանքի, երկրի շէնացման ու զարգացման համար:
Հայ ժողովուրդի բոլոր հատուածները այդ յաղթանակին տուին այն ամէնը, ինչը կրնային եւ փառքով պսակեցին իրենց անունը երկրորդ Աշխարհամարտի բոլոր ճակատներուն, ինչպէս նաեւ թիկունքին, հրոսակային կռիւներուն եւ դիմադրական շարժումներուն:
Խոր ակնածանքով այսօր մենք մեր յարգանքն ու երախտագիտութիւնը կը յայտնենք մեր վեթերաններուն:
Այսօր մեզի համար կրկնակի տօն է: Մենք կը տօնենք Շուշիի ազատագրման տարեդարձը: Այդ փառաւոր յաղթանակը սոսկ ռազմական յաջողութիւն չէր: Անով արցախահայութիւնը փրկուեցաւ բնաջնջման վտանգէն եւ ձեռք բերաւ խաղաղ ապրելու հեռանկար…
…Դարձեալ կը շնորհաւորեմ բոլորս այս փառապանծ տօնին առիթով եւ կը մաղթեմ խաղաղ երկինք, արդար ու արդիւնաւէտ աշխատանք՝ ի փառս մեր երկրի եւ ի բարօրութիւն մեր ժողովուրդի»:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին