By Aztag Daily | Monday, 28 May 2018
Հայաստանի Հանրապետութեան 100-ամեակին նուիրուած նախաձեռնութիւններուն մասնակցելու նպատակով Հայաստան գտնուող մեծաթիւ սփիւռքահայեր, ինչպէս նաեւ հայաստանցիներ 27 մայիսին միացան ՀՅԴ Հայաստանի Գերագոյն մարմինին կազմակերպած այցելութիւններուն` դէպի Բաշ Ապարանի եւ Ղարաքիլիսէի ճակատամարտերու յուշահամալիրներ:
Առաւօտեան ժամը 9:30-ին Երեւանէն մասնակիցները ուղղուեցան Ապարան, ուր քայլարշաւով ուղղուեցան դէպի Բաշ Ապարանի յուշահամալիր, որմէ ետք անոր մօտակայքը գտնուող Դրոյի շիրմաքարին շուրջ տեղի ունեցաւ երդման արարողութիւն` կնքահայրութեամբ ՀՅԴ Հայաստանի Գերագոյն մարմինի ներկայացուցիչ Արսէն Համբարձումեանի:
Անկէ ետք մասնակիցները ուղղուեցան Վանաձոր, ուր Ղարաքիլիսէի հերոսամարտին նուիրուած յուշահամալիրին առջեւ արտասանուեցան Մայիս 28-ի խորհուրդին անդրադարձող եւ այս անկախութեան կարեւորութիւնը շեշտող խօսքեր: Անկէ ետք կրկին տեղի ունեցաւ երդման արարողութիւն` կնքահայրութեամբ ՀՅԴ Քանատայի Կեդրոնական կոմիտէի ներկայացուցիչ Րաֆֆի Տօնապետեանի:
Ապա պաշտօնական բացումը կատարուեցաւ ՀՅԴ Վանաձորի վերանորոգուած գրասենեակին, որուն համար յատկացում կատարած էր ՀՅԴ Քանատայի Կեդրոնական կոմիտէն:
Յայտնենք, որ այսօր` մայիս 28-ին, ժամը 18:00-ին, Հայաստանի Հանրապետութեան 100-ամեակի տօնակատարութիւններուն շրջագիծին մէջ ՀՅ Դաշնակցութիւնը կը կազմակերպէ քայլերթ` Մատենադարան-Մաշտոցի պողոտայ-Ազատութեան հրապարակ-Հիւսիսային պողոտայ-Հանրապետութեան հրապարակ երթուղիով: Ազատութեան հրապարակին մէջ տեղի պիտի ունենայ հաւաք եւ օրուան խօսքերու ունկնդրութիւն:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին