By Asbarez | Thursday, 28 June 2018
ՍՏԵՓԱՆԱԿԵՐՏ, <<Երկիր Մեդիա>> - <<Եթէ խաղաղ բնակավայրերի վրայ մի կրակոց լինի, իրենց համար շատ վատ վերջաբան է ունենալու>>, յայտարարեց Արցախի Հանրապետութեան պաշտպանութեան նախարար, պաշտպանութեան բանակի հրամանատար զօրավար Լեւոն Մնացականեան:
<<Հետք>>ի հետ իր ունեցած հարցազրոյցին ընթացքին, անդրադառնալով սահմանի իրավիճակին՝ Լեւոն Մնացականեան յայտնեց, որ հակառակորդը գործնական վարժութիւններ կ՛իրականացնէ:
<<Վարժում են անձնակազմը, փորձարկում են տեխնիկան, մշակում մարտավարութիւնը: Այս ամէնը յուշում է, որ պէտք է պատրաստ լինել ցանկացած զարգացման>>, ըսաւ Լեւոն Մնացականեան՝ աւելցնելով, որ ատրպէյճանական ուժերը սկսած են նաեւ ճարտարագիտական ստորաբաժանումներու զօրավարժութիւններու, ինչ որ կը թելադրէ, թէ անոնք կը նախապատրաստուին գործողութիւններու: Կատարուած են նաեւ հրասայլային, ճարտարագիտական եւ պահուստային ստորաբաժանումներու զօրավարժութիւններ:
Արցախի պաշտպանութեան նախարարը նշեց, որ անընդհատ կը հետեւին ատրպէյճանական զինեալ ուժերու քայլերուն, սակայն հակառակորդի նախայարձակ մտադրութեան մասին կրնան իմանալ ժամերու, այլ ոչ թէ օրերու ընթացքին:
Քանի մը ժամուան տարբերութեամբ Արցախի ԱԱԾի արդէն նախկին պետ՝ հիմա նախագահի յատուկ յանձնարարութիւններու գծով ներկայացուցիչ Արշաւիր Ղարամեան նոյն նիւթին առնչուող իր <<Ֆէյսպուքի>> էջին վրայ, կրկնելով Լեւոն Մնացականեանի միտքը՝ գրած է. <<Եթէ խաղաղ բնակավայրերի վրայ մի կրակոց լինի, իրենց համար շատ վատ է լինելու>>:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ