By Asbarez | Sunday, 08 July 2018
ԵՐԵՒԱՆ, <<Փանորամա>> - Մայր Աթոռի ձեռագրատան, արխիւի եւ թանգարաններու տնօրէն տէր Ասողիկ քհնյ. Կարապետեան լրատուամիջոցներուն ներկայացուց Աստուածամուխ սուրբ Գեղարդը, որուն ենթադրեալ վաճառման մասին յայտարարած էին Ամենայն Հայոց կաթողիկոս Գարեգին Բ.ի դէմ ցոյց կատարողները:
Տէր Ասողիկ յայտնեց, թէ 18րդ դարու երկրորդ կէսէն ի վեր սուրբ Գեղարդը կը պահուի Մայր Աթոռին մէջ՝ Ամենայն Հայոց հայրապետներու յատուկ հսկողութեան տակ:
<<Սուրբ Գեղարդն ամբողջական է, որեւէ խաթարում, որեւէ պակաս այն չունի: 2004 թուականին Ռուսաց եկեղեցու երջանկայիշատակ պատրիարք Ալեքսի Երկրորդի 75ամեակի առիթով իրեն Գեղարդից մի փոքրիկ մասունք, կարելի է ասել փշրանք, նուիրաբերուել է փոքրիկ արծաթեայ կրկնօրինակի մէջ զետեղուած, որը Ալեքսի պատրիարքի օրհնութեամբ տեղադրուել է Պետերբուրգից ոչ հեռու գտնուող սուրբ Կոնստանտին եւ սուրբ Յեղինէ վանքում, ցանկացողները կարող են գնալ եւ տեսնել: Այդ հատուածը հանուել է սուրբ Գեղարդի կոթառի միջից: Երկաթէ սուրբ Գեղարդը լիակատար, ամբողջապէս, անթերի, անխաթար, ապահով պահւում է Սուրբ Էջմիածնում>>, ըսաւ քահանայ հայրը:
Յիսուսը խաչելէ ետք, հռոմէացի զինուորներէն մէկը տէգով (Գեղարդով) խոցած է խաչին վրայ մահացած Յիսուսի կողը: Այդ օրուընէ ի վեր մահուան զէնքը՝ Գեղարդը, դարձած է քրիստոնեաներուն համար սրբազան մասունք: Հայ եկեղեցւոյ աւանդութեան համաձայն՝ Գեղարդը 33 թուականին Հայաստան բերած է Թադէոս առաքեալը:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ