By Asbarez | Sunday, 08 July 2018
ԵՐԵՒԱՆ, <<Արմէնփրէս>> - Հինգշաբթի, 5 Յուլիսին, Հայաստանի Յատուկ քննչական ծառայութիւնը Ոստիկանութեան պետական պահպանութեան գլխաւոր վարչութեան աշխատակից, Հայաստանի ողիմպիական կոմիտէի նախագահի օգնական, <<Բարգաւաճ Հայաստան>> կուսակցութեան (ԲԺԿ) նախագահ Գագիկ Ծառուկեանի թիկնազօրի պետ Էդուարդ Բաբայեանը մեղադրեց յանցաւոր արարքի կատարման մէջ. վերջինս հարուածներ հասցուցած եւ դիտաւորութեամբ կեանքին վտանգ սպառնացող ծանր վնաս հասցուցած է Վեաչեսլաւ Յարութիւնովին:
Բաբայեան Ուրբաթ օր կալանքի ենթարկուած է:
Վեաչեսլաւ Յարութիւնովի որդին 2012ին տեղի ունեցած բռնցքամարտի աշխարհի ախոյեանութեան ներկայացնելով Հայաստանի Հանրապետութիւնը՝ դարձաւ աշխարհի ախոյեան:
Այս առթիւ, Հայաստանի Ողիմպիական կոմիտէի նախագահ Գագիկ Ծառուկեան Վեաչեսլաւ Յարութիւնովին խոստացած էր օժանդակել անոր զաւակին ժամկէտային զինուորական ծառայութենէն ազատելու հարցով:
2 Յուլիս 2018ին, Ողիմպիական մարզահամալիրի մէջ, Գագիկ Ծառուկեանի մասնակցութեամբ տեղի ունեցած Հայաստանի բռնցքամարտիկներու միութեան ժողովի աւարտէն ետք, Վ. Յարութիւնով մօտեցած է Գագիկ Ծառուկեանին՝ դարձեալ յիշեցնելով իր զաւակին հարցը կարգաւորելու վերաբերեալ անոր տուած խոստումը: Խօսակցութիւնը շարունակուած է մարզահամալիրի հանդիպումներու դահլիճին մէջ, ուր Էդուարդ Բաբայեան խումբով, Վ. Յարութիւնովին մարմնական վնասուածքներ պատճառելու դիտաւորութեամբ, հարուածներ հասցուցած է անոր մարմինի տարբեր մասերուն՝ վերջինիս պատճառելով կեանքին վտանգ սպառնացող ծանր վնաս:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ