By Asbarez | Monday, 10 September 2018
ԵՐԵՒԱՆ.- Վարչապետ Նիկոլ Փաշինեան հարցազրոյց տուած է ՀՀ պաշտպանութեան նախարարութեան «Զինուժ» հաղորդաշարին եւ անոր ընթացքին յայտնած, թէ Ռուսիոյ հետ Հայաստանի յարաբերութիւնները առանձնայատուկ տեղ կը գրաւեն։ Այս մասին կը հաղորդէ «Թերթ» լրատուական կայքը:
«Ռուսիոյ հետ մեր յարաբերութիւնները առանձնայատուկ տեղ ունին, առանձնայատուկ նշանակութիւն ունին, եւ մենք յոյս ունինք այդ յարաբերութիւններուն արդիւնաւէտութիւնը էականօրէն բարձրացնել: Մեր յարաբերութիւնները պէտք է ըլլան շատ աւելի բարձր մակարդակի, շատ աւելի ռազմավարական, շատ աւելի գործընկերային եւ շատ աւելի եղբայրական», ըսած է վարչապետը:
Փաշինեան նաեւ անդրադարձած է ՀՀ զինուած ուժերու մարտունակութեան եւ արհեստագիտական յագեցուածութեան, Լեռնային Ղարաբաղի խնդիրի կարգաւորման գործընթացներուն եւ հնարաւորութիւններուն, ինչպէս նաեւ՝ ՀԱՊԿի գործունէութեան:
«Հաւաքական անվտանգութեան պայմանագիրի կազմակերպութեան (ՀԱՊԿ) երկիրներու ղեկավարներուն հետ առաջին իսկ շփումներուն ժամանակ, ինծի համար ակնյայտ դարձաւ, որ նոյն հարցը կայ նաեւ անոնց մօտ՝ արձանագրել խնդիրի գոյութիւնը եւ համբերատար, դաշնակցային մթնոլորտի ու տրամաբանութեան մէջ քննարկել հարցերը, որպէսզի մենք իմանանք, թէ ի՛նչ պարտաւորութիւններ ունի ՀԱՊԿն Հայաստանի առջեւ, եւ ի՛նչ պարտաւորութիւններ ունի Հայաստանի Հանրապետութիւնը՝ ՀԱՊԿի եւ անոր անդամ երկիրներուն առջեւ», ըսած է վարչապետ Փաշինեան:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
