By Asbarez | Monday, 22 October 2018
ԵՐԵՒԱՆ.- Ազգային ժողովի ՀՅԴ խմբակցութիւնը չի պատրաստուիր Հայաստանի վարչապետի թեկնածու առաջադրելու, որովհետեւ խորհրդարանին մէջ եօթը հոգիով ներկայացուած ըլլալու պայմաններուն մէջ անտրամաբանական է նման առաջադրումը, Ազգային ժողովին մէջ լրագրողներու հետ զրոյցի մը ընթացքին ըսաւ ՀՅԴ խմբակցութեան ղեկավար Արմէն Ռուստամեան:
«ՀՅԴն վաղուց է ասել, որ եօթ հոգով վարչապետի թեկնածու առաջադրելը անիմաստ զբաղմունք է: Տրամաբանութիւն պէտք է գոյութիւն ունենայ, եօթ հոգով ինչպէ՞ս կարող ենք առաջադրել: Մենք 2017ի ընտրութիւններից յետոյ երբեք չէինք էլ պատրաստուել վարչապետի թեկնածու առաջադրել», ըսաւ Ռուստամեան:
Անդրադառնալով իրենց տեսակէտը յուշագիրով ամրագրելու մասին հարցումին՝ Ռուստամեան յայտնեց, թէ ինքնանպատակ յուշագիրներ ստորագրելու խնդիր չեն տեսներ: Ան վստահեցուց, որ դրած են հինգ հարցեր, որոնց շուրջ սկսած են վարչապետ Նիկոլ Փաշինեանի հետ իրենց համագործակցութիւնը:
«Մենք կողմնակից ենք, որ խորհրդարանական ընտրութիւնները կայանան նորմալ պայմաններում, այնպէս, ինչպէս ժողովուրդը որոշի», աւելցուց Ռուստամեան:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին