By Asbarez | Monday, 22 October 2018
ԵՐԵՒԱՆ.- Հայաստանի նախագահ Արմէն Սարգսեան ըսաւ, թէ հակառակ անոր, որ Հայաստան Համահայկական հիմնադրամը հիմնուած է 20րդ դարուն՝ պէտք է դառնայ 21րդ դարու հիմնարկ: Այս մասին նախագահը յայտնեց Հայաստան հիմնադրամի նորընտիր տնօրէն Հայկակ Արշամեանի ուղեկցութեամբ հիմնադրամ կատարած այցելութեան ընթացքին:
«Հիմնադրամը մեծ արժէք է մեր ամբողջ ժողովուրդին համար. անիկա հիմնուած է Հանրապետութեան եւ մեր ժողովուրդին համար ծանրագոյն պայմաններուն մէջ եւ ունեցած է առաքելութիւն, զոր մեծ փառքով կատարած է: Այցելեցէ՛ք Հայաստանի մէջ զանազան վայրեր, Երեւանէն ուղեւորուեցէ՛ք դէպի Ստեփանակերտ, կը տեսնէք, թէ ի՛նչ բարձր որակի ճանապարհ կառուցուած է: Բազմաթիւ նման յաջող ծրագիրներ կան», ըսաւ Արմէն Սարգսեան, որ նաեւ հիմնադրամի հոգաբարձուներու խորհուրդի նախագահն է:
Նախագահը կարեւոր համարեց հիմնադրամի անցեալին վերանայումը, յաջողութիւններու եւ թերութիւններու գնահատումը:
«21րդ դարուն, Հայաստանի եւ աշխարհի մէջ գործընթացները արագ կ՛ընթանան: Կը հաւատամ, որ հիմնադրամը նոր աւիւնով՝ մեծ յաջողութիւններու պիտի հասնի: Կը հաւատամ, որ անցած ուղին, յաջողութիւնները, նաեւ դժուարութիւններն ու անյաջողութիւնները դաս պիտի ըլլան, հիմնադրամը փիւնիկի նման դարձեալ պիտի յառնի եւ յառաջ պիտի տանի իր հոյակապ առաքելութիւնը», եզրափակեց նախագահը, որ Մայիս ամիսէն ի վեր իր կուտակուած աշխատավարձը նուիրած է Հայաստան Հիմնադրամին:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին