By Asbarez | Friday, 02 November 2018
Հայաստանի մէջ արտակարգ խորհրդարանական ընտրութիւնները պէտք է տեղի ունենան, յայտարաեց Հայաստանի վարչապետի պաշտօնակատար Նիկոլ Փաշինեան՝ յայտնելով, թէ յոյս ունի, որ քաղաքական ուժերը այդ գործընթացը խոչընդոտող որեւէ քայլի չեն դիմեր:
«Վաղը կը լրանայ հրաժարականէս ետք օրէնքով սահմանուած առաջին ժամկէտը. արտակարգ ընտրութիւններուն համար մէկ շաբաթ եւս անհրաժեշտ է: Գործող սահմանադրութեամբ խոր-հրդարանի լուծարման այլ տարբերակ չկայ: Կամ պէտք է երթայինք սահմանադրական փոփոխութիւններու ճամբով եւ առանց վարչապետի հրաժարականին լուծէինք խորհրդարանը, կամ պէտք է դիմէինք այն ձեւին, զոր այժմ որդեգրած ենք: Որոշեցինք սահմանադրական փոփոխութիւններու ճամբան չառնել: Զգացի, որ պիտի ըլլան մեկնաբանութիւններ, թէ երկու ձեռքով կառչած եմ վարչապետի աթոռին», ըսաւ Փաշինեան՝ նշելով, որ չէր կրնար նման խօսակցութիւններու առիթ տալ:
Նիկոլ Փաշինեան նշեց, որ բոլոր խմբակցութիւնները յայտարարած են վարչապետի թեկնածու չառաջադրելու իրենց որոշումը:
«Հարց կը ծագի, թէ արդեօք կրնա՞ն դաւադրութիւններ պատահիլ: Տեսականօրէն այո՝ կարելի է: Եթէ այդ մէկը պատահի, ապա ժողովուրդը իր խօսքը պիտի ըսէ: Այդ պարագային կը դիմեմ ժողովուրդին, կոչ կ՛ուղղեմ հաւաքուելու եւ իր խօսքը ըսելու: Այնպէս որ, հետեւէցէք իրադարձութիւններուն: Մնանք մնայուն կապի մէջ, որ հարցերուն վերաբերեալ արագ արձագանգենք եւ միասին կայացնենք որոշումերը: Մէկ բան յստակ է՝ պէտք է երթանք արտակարգ ընտրութիւններու, եւ յոյս ունիմ, որ քաղաքական ուժերը անոր հակասող քայլի չեն դիմեր», աւելցուց Փաշինեան:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ