By Asbarez | Friday, 02 November 2018
ԵՐԵՒԱՆ, «Երկիր».- Ռուսիոյ արտաքին գործոց նախարարութիւնը մեկնաբանած է Միացեալ Նահանգներու նախագահի ազգային ապահովութեան հարցերու խորհրդական Ճան Պոլթընի Երեւանի մէջ կատարած յայտարարութիւնները։
Ըստ «ՌԻԱ Նովոսթի»ի՝ Ռուսիոյ արտաքին գործոց նախարարութիւնը Պոլթընի յայտարարութիւնները համեմատած է Հայաստանի մօտ Միացեալ Նահանգներու դեսպան Ռիչըրտ Միլզի կատարած այն յայտարարութեան, թէ Ուաշինկթըն Հայաստանի մէջ աջակցած է որոշ խմբակներու:
«Աւելի մեծ անքաղաքավարութեան, որ տարբեր չէ ներքին գործերուն միջամտելէ, կարելի չէ հանդիպիլ: Պարզուեցաւ, որ այդպէս չէ», նշուած է Ռուսիոյ արտաքին գործոց նախարարութեան հաղորդագրութեան մէջ:
Անոր մէջ նաեւ կը շեշտուի, որ Պոլթըն պահանջած է Հայաստանէն, որ հրաժարի միջազգային յարաբերութիւններուն մէջ «պատմական կաղապարներ»էն, առանց թաքցնելու, որ ակնարկը Ռուսիոյ հետ Հայաստանի աւանդական բարեկամութեան մասին է:
«Պոլթըն նաեւ յայտարարած է, թէ կ՛ակնկալուի, որ (Հայաստանի վարչապետի պաշտօնակատար Նիկոլ) Փաշինեան ընտրութիւններէն ետք նախաձեռնող քայլերու դիմէ Լեռնային Ղարաբաղի հակամարտութիւնը կարգաւորելու համար: Բնականաբար, չէ մոռցուած նաեւ գովազդել ամերիկեան զէնքերը, զորս Հայաստան պէտք է ձեռք բերէ ռուսականի փոխարէն», նշուած է հաղորդագրութեան մէջ:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
